Latest Marathi News

'नॅशनल क्रश' रश्मिका मंदानाने नुकताच आपला ३० वा वाढदिवस अत्यंत उत्साहात साजरा केला. लग्नानंतर रश्मिकाचा हा पहिलाच वाढदिवस. रश्मिकासाठी हा वाढदिवस अविस्मरणीय ठरला आहे. या विशेष प्रसंगी रश्मिकाच्या वडिलांनी तिला एक अतिशय महागडी आणि मौल्यवान भेट दिली आहे. रश्मिकाला तिच्या वडिलांकडून 'सेरेनिटी' (Serenity) नावाचा एक आलिशान बंगला भेट म्हणून मिळाला आहे. रश्मिकाने या नवीन घराचे फोटो सोशल मीडियावर पोस्ट करुन ही बातमी सर्वांना दिली.वाढदिवसाच्या या सोहळ्यात रश्मिकाचा पती आणि अभिनेता विजय देवरकोंडा देखील तिच्यासोबत दिसला. रश्मिकाने विजयसोबतचे काही खास फोटो शेअर करत एक भावुक नोटही लिहिली आहे. नवीन घरात प्रवेश करताना या जोडप्याने मोठ्यांचे आशीर्वाद घेतले. रश्मिकाने आपल्या पोस्टमध्ये नमूद केले की, वडिलांकडून मिळालेली ही भेट केवळ एक मालमत्ता नसून त्यांच्या प्रेमाचे प्रतीक आहे. तिने आपल्या आयुष्यातील या नवीन टप्प्याबद्दल कृतज्ञता व्यक्त केली असून विजय देवरकोंडाचेही आभार मानले आहेत.वाढदिवसाच्या या फोटोत दिसतं की रश्मिका सासू-सासरे आणि आई-वडिलांसह वेळ घालवतेय. या खास प्रसंगी तिचे मित्र-मैत्रिणीही आलेले दिसत आहेत. इतकंच नव्हे रश्मिकाने तिच्या शाळेला भेट दिली असून तिच्या जुन्या मैत्रिणी रश्मिकाचा वाढदिवस करायला उपस्थित होत्या. सोशल मीडियावर रश्मिका आणि विजयच्या फोटो व्हायरल होताच चाहत्यांनी या जोडीवर शुभेच्छांचा वर्षाव केला आहे. 'पुष्पा' फेम अभिनेत्रीने आपल्या मेहनतीने चित्रपटसृष्टीत जे स्थान निर्माण केले आहे, त्यामागे तिची अथक मेहनत आहे. रश्मिकाच्या या नवीन घराचे नाव 'सेरेनिटी' तिच्या शांत आणि संयमी स्वभावाशी जुळणारे असल्याचे अनेकांनी म्हटले आहे. सध्या दाक्षिणात्य सिनेसृष्टीत रश्मिकाच्या वडिलांनी दिलेल्या या आलिशान गिफ्टची आणि रश्मिका-विजयच्या केमिस्ट्रीची जोरदार चर्चा रंगली आहे.

मुख्यमंत्री पुढे बोलताना म्हणाले, काश्मीर खोऱ्यात काश्मिरी पंडितांचे अक्षरश: शिरकाण सुरू आहे ...

गोवा सरकारच्या कॅबिनेट बैठकीत यासंदर्भात निर्णय घेण्यात आला आहे ...

Jairam Thakur And Congress : हिमाचल प्रदेशचे मुख्यमंत्री जयराम ठाकूर यांनी काँग्रेसवर हल्लाबोल करत खोचक शब्दांत टीका केली आहे. ...