Latest Marathi News

राजकुमार जोंधळे ।लोकमत न्यूज नेटवर्कलातूर : जगभर धुमाकूळ घालणाऱ्या ‘वन्नाक्राय’ या रॅन्समवेअरनंतर सुरक्षेचे सारे उपाय योजले जात आहेत. रॅन्समवेअरच्या हल्ल्याची धास्ती जगभर असून, या पार्श्वभूमीवर महाराष्ट्र पोलीस प्रशासनानेही सतर्कतेचे आवाहन सायबर सेलला केले आहे. यासाठी लातूर जिल्हा पोलीस दलातील सायबर सेल अलर्ट झाला आहे.जगभर रॅन्समवेअरच्या हल्ल्यानंतर खडबडून जागे झालेल्या ‘नेट’कऱ्यांमध्ये कमालीची धास्ती आहे. बनावट मेलच्या माध्यमातून असा हल्ला होण्याची शक्यता असल्याने संगणक हाताळणाऱ्यांनी अधिक दक्षता बाळगली पाहिजे. विशेषत: आॅनलाईन व्यवहार आणि इंटरनेटचा वापर करताना सतर्कता बाळगणे गरजेचे आहे. त्यासाठी आता लातूरच्या सायबर सेलने नागरिकांना आवाहन केले आहे. बनावट मेलपासून नागरिकांनी सावधानता बाळगावी. शिवाय, अनोळखी मेल उघडू नये. या मेलला कुठलाही प्रतिसाद न देता ते डिलीट् करून टाकावेत. अनोळखी नावाने आलेला मेसेज आणि मेल हा एखाद्या व्यक्तीची फसवणूक करू शकतो. विशेषत: मोबाईलवर आलेले मेसेज आणि आॅनलाईन खरेदीच्या नावाखाली करण्यात आलेल्या जाहिराती मोठ्या प्रमाणावर आहेत. या जाहिरातींच्या माध्यमातून आॅनलाईन खरेदी करताना आधार लिंकिंग अथवा एटीएम कार्ड क्रमांक किंवा पॅनकार्ड क्रमांक आणि इतर माहिती मागितली जाते. एखाद्या कंपनीच्या नावाखाली बनावट मेलही अशी माहिती मागविण्याची शक्यता असते. त्यामुळे प्रत्येक मेल आणि मोबाईलवर आलेले मेसेज काळजीपूर्वक वाचून, खात्री करून त्यासंबंधीचे व्यवहार करणे अधिक फायद्याचे ठरेल. रॅन्समवेअरच्या हल्ल्यानंतर जगभरासह महाराष्ट्रातील पोलीस प्रशासनही अधिक सतर्क झाले आहे. महाराष्ट्र पोलीस विभागाअंतर्गत कार्यरत असलेला सायबर सेल अलर्ट झाला असून, त्यासंबंधीच्या सूचनाही लातूरच्या सायबर सेलला प्राप्त झाले आहेत.

काल रात्री मुंबईत एका पार्टीत करिष्मा कपूर आपल्या एक्स पतीसोबत दिसली. ...

नवीन संसद भवनासमोर धडकू पाहणाऱ्या आंदोलक पैलवानांना पोलिसांनी ताब्यात घेतले आहे. ...

आर्द्रतेमुळे मुंबईकरांची अक्षरश: घामाने आंघोळ होत आहे. ...

मेसेज केल्यानंतर अनेकदा त्याला संपर्क करण्याचा प्रयत्न केला पण तरुणाचा मोबाईल बंद होता ...

शरद पवारांनी नवीन संसद भवनाच्या उद्घाटनाला उपस्थित न राहण्याच्या भूमिकेवरून भाजपने पलटवार केला आहे. ...

मुख्यमंत्री शिंदेंच्या टीकेला प्रत्युत्तर देताना, भाजपची तळी उचलण्याचं काम एकनाथ शिंदेंकडून सुरू आहे. ...