Latest Marathi News

गेल्या फेब्रुवारी महिन्यात इस्रायलमध्ये काही बसेसमध्ये झालेल्या स्फोटांनंतर , आता तेलअवीवमध्ये एका कारमध्ये भीषण स्फोट झाल्याची धक्कादायक घटना घडली आहे. इजरायलच्या चॅनल 12 ने गुरुवारी दिलेल्या वृत्तानुसार, तेल अवीवच्या रस्त्यावर पार्क केलेल्या एका कारमध्ये हा ब्लास्ट झाला. यात अनेक जण जखमी झाले आहेत. या स्फोटाचे नेमके कारण अद्याप स्पष्ट झालेले नाही.याद एलियाहू परिसरातील ला गार्डिया रस्त्यावरील घटना -मिळालेल्या माहितीनुसार, शहरातील याद एलियाहू परिसरातील ला गार्डिया रस्त्यावर हा स्फोट झाला. घटनेनंतर पोलिस आणि अग्निशमन दलाचे कर्मचारी तातडीने घटनास्थळी दाखल झाले. या स्फोटात जखमी झालेल्या एका व्यक्तीला उपचारासाठी तेलअवीवमधील इचिलोव्ह रुग्णालयात दाखल करण्यात आले आहे. इजरायली पोलिसांनी या प्रकरणाला गुन्हेगारी घटना म्हणून संबोधले असून तपास सुरू केला आहे. सध्या ला गार्डिया रस्त्याचा काही भाग सर्वसामान्यांसाठी बंद करण्यात आला आहे.यापूर्वी तीन बसेसनाही करण्यात आले होते लक्ष्य -महत्वाचे म्हणजे, यापूर्वी फेब्रुवारी महिन्यातही तेलअवीवजवळ तीन बसेसनाही स्फोटक उपकरणांच्या सहाय्याने लक्ष्य करण्यात आले होते. त्या घटनेला अधिकाऱ्यांनी दहशतवादी हल्ला असे संबोधले होते. सुदैवाने त्या हल्ल्यात कोणतीही जीवितहानी झाली नव्हती. महत्वाचे म्हणजे, फेब्रुवारी महिन्यातील हल्ल्यात वापरण्यात आलेली पाचही स्फोटके, एकसारखी होती आणि त्यांना टायमर लावण्यात आले होते, हा एका सुनियोजित कटाचा भाग असल्याची शक्यता आहे, असे तेव्हा पोलिसांनी म्हटले होते.

आता उपोषण नको, थेट भूमिका घ्या, मराठा समाजाची भूमिका ...

ऑस्ट्रेलियाने आपला विजयरथ कायम ठेवत पाकिस्तानचा पहिल्या कसोटी सामन्यात दारूण पराभव केला. ...

तत्पूर्वी माध्यमांशी बोलताना त्यांनी महाराष्ट्रात ५४ लाख कुणबी नोंदी सापडल्याची माहिती दिली. ...

रती ही तिच्या कुटुंबासाठी आधारस्तंभ होती आणि एका मुलाचे कर्तव्य ती पार पाडत होती. ...

कंपनी परिसर सील करण्यात आला असून कोणालाही आतमध्ये सोडले जात नाही. ...

Parliament Security Breach News: संसदेत घुसखोरी आणि स्मोक कँडल फोडल्याप्रकरणी पोलिसांनी सहाव्या आरोपीला ताब्यात घेतले आहे. ...

विकसीत भारत संकल्प यात्रेचा शुभारंभ. ...

जिल्ह्यातील विविध न्यायालयांमध्ये प्रलंबित असलेली प्रकरणे राष्ट्रीय लोक अदालतमध्ये ठेवण्यात आली होती. ...