सुमारे सहा गुंठे जागेवर डॉ. बाबासाहेब आंबेडकर यांचा पूर्णाकृती पुतळा उभा करण्याचा मानस होता. शासनदरबारी मान्यतेचा प्रस्ताव पंधरा ते वीस वर्षे प्रतीक्षेत होता. श्यामराव पाटील-यड्रावकर यांच्या देणगीमधून वॉल कंपाऊंड, पेव्हिंग ब्लॉक व दगडी भिंत आदी कामे पूर्ण करून पुतळ्यासाठी चबुतरा बांधून तयार ठेवला होता. परंतु शासनाने सुरक्षिततेच्या प्रश्नावरून परवानगी नाकारल्याने त्याच चबुतरावर अशोक स्तंभाची निर्मिती करण्यात आली. या ठिकाणी बोधीवृक्ष लावून सभोवती बागबगीचा निर्माण करावा, अशी भावना व्यक्त होत आहे.
दरम्यान, जि. प. सदस्या परवीन पटेल यांच्याशी संपर्क साधला असता, अशोक स्तंभाचे उद्घाटन आरोग्य राज्यमंत्री डॉ. राजेंद्र पाटील-यड्रावकर यांच्याहस्ते पुढील महिन्यात करण्यात येणार आहे, असे त्यांनी सांगितले.
फोटो - ०९०२२०२१-जेएवाय-०४
फोटो ओळ - गणेशवाडी (ता. शिरोळ) येथील अशोकस्तंभ गेल्या कित्येक वर्षांपासून उद्घाटनाच्या प्रतीक्षेत आहे.