महापालिका हद्दीत ७०६ नागरिकांना लसीकरण

कोल्हापूर : महानगरपालिका प्रशासनाच्यावतीने मंगळवारी शहरातील दहा प्राथिमक नागरी आरोग्य केंद्र तसेच सीपीआर रुग्णालय येथे ६० वर्षांवरील ३९८ नागरिकांना कोविशिल्ड व कोव्हॅक्सिनचा पहिला डोस तर, ३०८ नागरिकांना दुसरा डोस देण्यात आला.

शहरामध्ये पहिला व दुसरा डोस मिळून ७०६ नागरिकांना लसीकरण करण्यात आले. यामध्ये सावित्रीबाई फुले येथे ७८, फिरंगाई येथे ८२, राजारामपुरी १०४, पंचगंगा ३२ , महाडिक माळ ५५, आयसोलेशन ६१, फुलेवाडी ५९, सदरबाजार ३०, सिद्धार्थनगर १०, मोरे मानेनगर ३४ व सीपीआर हॉस्पिटल येथे १६१ इतक्या नागरिकांचे लसीकरण करण्यात आले. शहरात आतापर्यंत एक लाख २३ हजार ४८७ नागरिकांना पहिल्या डोसचे तर, ४३ हजार ६९९ नागरिकांना दुसऱ्या डोसचे लसीकरण करण्यात आले आहे.