Kolhapur Politics: मुख्यमंत्र्यांनी आम्हाला एकत्र आणल्याने त्यांना वाईट वाटते, समरजित घाटगेंची विरोधकांवर टीका

Local Body Election: तेथेच तुमचं चुकलं..

कागल : अकरा वर्षे राजकीय संघर्ष केल्यानंतर मी आणि मंत्री हसन मुश्रीफ एकत्र आलो, आम्हा दोघांना मुख्यमंत्र्यांनी एकत्र आणले याचे विरोधकांना जास्त वाईट वाटते, अशी टीका शाहू ग्रुपचे अध्यक्ष समरजित घाटगे यांनी केली.

कागल येथे आयोजित जाहीर सभेत ते बोलत होते. या वेळी मंत्री हसन मुश्रीफ अखिलेशसिंह घाटगे, बाबगोंड पाटील, आप्पासाहेब भोसले उपस्थित होते. यांनी स्वागत तर उमेदवार प्रवीण काळबर यांनी प्रास्ताविक केले. नगराध्यक्षपदाच्या उमेदवार सविता माने, रजिया मुजावर, बाळासाहेब माळी, शरीन नाईक, किरण लाड यांचीही भाषणे झाली. भय्या माने, शाहू साखरचे संचालक राजू पाटील, नवाज मुश्रीफ, असिफ मुल्ला, जावेद नाईक, इरफान मुजावर उपस्थित होते.

तेथेच तुमचं चुकलं..

मंत्री हसन मुश्रीफ म्हणाले, ‘आम्ही ज्यांना पदे देऊन मोठे केले तेच आम्हाला आव्हान देत आहेत. बंडखोरी करून शत्रुगोटाशी संधान बांधून वर आम्हाला विचारीत आहेत, साहेब माझं काय चुकलं? आम्ही सांगूनही अपक्ष उमेदवारी अर्ज भरला तेथेच तुमचं चुकलं, एवढं लक्षात ठेवा.