गडकोटांवरील दारूबंदीची काटेकोर अंमलबजावणी व्हावी - शिवदुर्ग संवर्धन आंदोलनची मागणी

कोल्हापूर : शककर्ते छत्रपती शिवाजी महाराज यांचे गड-किल्ले हे प्रेरणास्थान आहेत. तरी या गडकिल्ल्यांवर दारूबंदीच्या नियमाची काटेकोरपणे अंमलबजावणी करण्यात यावी, अशी मागणी शिवदुर्ग संवर्धन आंदोलनने केली आहे. याबाबतचे निवेदन मंगळवारी जिल्हाधिकारी दौलत देसाई यांना दिले.

नियमाच्या अंमलबजावणीसाठी गडाजवळील तलाठी, ग्रामसेवक, पुरातत्वचे कर्मचारी किंवा वन खात्याचे कर्मचारी, पोलीसपोटील यांच्यामार्फत उपाययोजना राबविण्यात याव्यात, दारूबंदीची अंमलबजावणी करण्यासाठी मुख्यमंत्र्यांनी यात जातीने लक्ष घालावे, अन्यथा शिवभक्तांच्यावतीने तीव्र आंदोलन उभारले जाईल.

यावेळी मराठा महासंघाचे वसंतराव मुळीक, इतिहास संशोधक इंद्रजित सावंत, हर्षल सुर्वे, अमित आडसुळे, सुशांत हराळे, चैतन्य अष्टेकर, अर्जुन कदम, आदित्य पोवार, किरण चाबुकस्वार, शरद चौगुले, युवराज हळदणकर, प्रणव पाटील, देवेंद्र सावंत, विजय दरबान आदी उपस्थित होते.

--

फोटो नं ०२०२२०२१-कोल-शिवदुर्ग आंदोलन

ओळ :

शिवदुर्ग संवर्धन आंदोलनच्यावतीने मंगळवारी जिल्हाधिकारी दौलत देसाई यांना गडकिल्ल्यांवर दारूबंदीच्या नियमाची काटेकोरपणे अंमलबजावणी व्हावी या मागणीचे निवेदन देण्यात आले. यावेळी वसंतराव मुळीक, इंद्रजित सावंत, हर्षल सुर्वे, अमित आडसुळे यांच्यासह कार्यकर्ते उपस्थित होते.

--