समीर देशपांडे
लोकमत न्यूज नेटवर्क
कोल्हापूर : प्रत्येक शहराची रात्री बारानंतरची स्थिती वेगवेगळी असते. मुंबईसारख्या ठिकाणी रात्री उशिरापर्यंत व्यवहार सुरू असतात. अजूनही अनेक विकासाभिमुख जिल्ह्यांमध्ये रात्री बारापर्यंत सामसूम झालेली असते. जेव्हा चित्रपटगृहे सुरू होती तेव्हा रात्री साडेबारा वाजेपर्यंत सर्वत्रच हालचाल होती. कोल्हापुरात रात्री एक वाजेपर्यंत रस्त्यावरून ये- जा सुरू असते; परंतु आता कोरोनाच्या पार्श्वभूमीवर यावरदेखील मर्यादा आल्या आहेत.
कोल्हापुरात चौकाचौकांत, कट्ट्याकट्ट्यांवर बसून गप्पा मारण्याची मोठी हौस. एकदा रात्री अकरापर्यंत जेवणे आटोपली की, कट्ट्यावर ठिय्या मारायचा आणि मग जागतिक घडामोडींपासून तालमीच्या परिसरात काय चालू आहे, इथपर्यंतच्या सगळ्या चर्चा रंगतात. कोरोनाच्या आधीपर्यंत रात्री १२ वाजताही जेवण कुठे मिळणार, चहा, दूध कुठे मिळणार, गरम नाश्त्याची सोय कुठे याची ठिकाणे निश्चित होती. गंगावेशीमध्ये तर पहाटे साडेतीन, चार वाजताही शिरा, उप्पीट, पोहे, चहाची व्यवस्था व्हायची; परंतु आता कोरोनाच्या प्रादुर्भावानंतर परिस्थिती बदलली आहे. या पार्श्वभूमीवर मंगळवारी रात्री केलेला हा रिॲलिटी चेक.
१ तीन कॉलम फोटो
२१०९२०२१ कोल स्टार ११९६
दसरा चौक, कोल्हापूर ०१.०० एएम
(छाया : आदित्य वेल्हाळ)
चौकट
शहरात रात्रीची गस्त
चारचाकी वाहने ५
दुचाकी वाहने २०
पोलीस १०५
चौकट
प्रवाशांची संख्या जास्त
दाभोलकर कॉनर्र १२.२५ एएम
बसस्थानक आणि रेल्वेस्थानक यादरम्यानचा शहरातील सर्वांत वर्दळीचा हा चौक. त्यामुळे या ठिकाणी प्रवाशांचीच वर्दळ जास्त. पूर्वीसारख्या बसेस सुरू नसल्या तरी काही खासगी बसेस निघून गेल्या होत्या, तर काही बाहेरगावाहून येणार होत्या. त्यामुळे त्यातून जाणारे प्रवासी, रिक्षाचालक आणि फिरस्ते हेच रस्त्यावरून दिसतात. मध्येच सायरन वाजवत येणारी पोलिसांच्या गस्ती पथकाची गाडी शांतता भंग करते.
चौकट
सुनसान दसरा चौक १२.५० एएम
शहरातील आणखी एक महत्त्वाचा चौक म्हणजे दसरा चौक. हा चौक सुनसान. मधूनच कोकणाकडे जाणारे दोन मालवाहू ट्रक यामार्गे जातात. वृत्तपत्रांमधील काम आटोपून कर्मचारी घरी निघालेले. रात्री उशिरापर्यंत पार्ट्यांना गेलेले ट्रिपल सीट भरधाव निघालेले. एमआयडीसीमधून रात्रपाळीच्या कर्मचाऱ्यांना घेऊन आलेली कंपनीची गाडी दसरा चौकाच्या मैदानावर थांबते. डोक्यावर हेल्मेट आणि पाठीला सॅक लावलेली तरुण मुले काम आटोपून घरी निघालेली.
चौकट
मिरजकर तिकटी १.१५ एएम
शांत मिरजकर तिकटी. जेऊन हॉटेलच्या बाहेर पडलेल्या पाच, सहा तरुण पोरांचा कल्ला चाललेला. फिरस्ती आजी. प्लास्टिकच्या पिशव्या गोळा करत निघालेली. हॉटेलमधील काम आवरल्याने खोलीकडे चालत निघालेली विशीतील दोन मुले. गल्लीतच शतपावली घालणारे तिघांचे एक कुटुंब.
चौकट
पोलिसांची गस्त, म्हणून आपली झोप मस्त
हे सर्व निरीक्षण नोंदवत असताना पोलिसांच्या गाड्या सातत्याने सायरन वाजवत फिरत असल्याचे दिसून आले. उशिरा सुरू असलेली हॉटेल्स बंद करण्यात आली. गल्लीबोळांच्या तोंडावर उभारलेल्या तरुणांना घरी पिटाळण्यात आले. भरधाव वेगाने जाणाऱ्या दुचाकी थांबवून चौकशी करण्यात येत होती. खरोखरच हे पोलीस बांधव रात्रंदिवस कार्यरत आहेत, त्यांची गस्त आहे, म्हणून आपण मस्त झोप घेऊ शकतो, हे वास्तव आहे.
कोट
रात्रीची गस्त शिस्तबद्ध पद्धतीने झाली पाहिजे याबाबत सर्वांना सूचना दिल्या असून, तशी अंमलबजावणी सुरू आहे. नागरिकांनीही काही संशयास्पद बाबी वाटल्यास त्या पोलिसांपर्यंत तातडीने कळवल्या पाहिजेत.
-शैलेश बलकवडे,
जिल्हा पोलीस अधीक्षक, कोल्हापूर
२१०९२०२१ कोल स्टार ११९६ डमी