कळंबा : महाराष्ट्राचे आराध्य दैवत छत्रपती शिवाजी महाराज यांची जयंती राजलक्ष्मी नगर, साळोखे नगर, सुर्वे नगर, शासकीय मध्यवर्ती कारागृह, तपोवन, सानेगुरुजी वसाहत, संभाजी नगर, रिंगरोड आदी उपनगरांसह लगतच्या कळंबा, पाचगाव, जैताळ, हंनबरवाडी या ग्रामीण भागात मोठ्या उत्साहात साजरी करण्यात आली. ठिकठिकाणी मध्यरात्री पाळणा सोहळ्याचे आयोजन करण्यात आले होते. शिवजयंतीनिमित्ताने पोवाडे, व्याख्यान, रक्तदान शिबिर, स्वच्छता मोहीम, शिवकालीन युद्धकला आदी विविध सांस्कृतिक कार्यक्रम पार पडले. सुधीर राणे यांच्यातर्फे राजलक्ष्मी नगर प्रभागात महिलांसाठी ‘सोकाजीराव टांगमारे’ या विनोदी नाटकाचे तर जीवबानाना पार्क प्रभागात श्रद्धा महागावकर यांच्यातर्फे महिलांच्या विविध स्पर्धांचे आयोजन करण्यात आले होते.
फोटो: कळंबा शिवजयंती
कळंबा येथे शिवजयंतीनिमित्त आकर्षक सजावट करण्यात आली होती.