ZP Election 2026: कोल्हापूर जिल्ह्यात उद्यापासून तीन दिवस दारु विक्री बंद

जिल्ह्यासाठी आदेश : मतमोजणीच्या ठिकाणीही बंदच

कोल्हापूर : जिल्हा परिषद आणि पंचायत समिती निवडणुकांच्या निमित्ताने शुक्रवार, शनिवारी आणि सोमवारी जिल्ह्यात निवडणूक कार्यक्षेत्रातील दारू विक्री बंद राहणार आहे. राज्य उत्पादन शुल्क विभागाने याबाबत आदेश पारीत केला असून, सर्व देशी दारूची दुकाने, वाईन शॉप, बीअर शॉप, परमिटरूम बीअरबार बंद ठेवण्याचे आदेश दिले आहेत.

वाचा: निकालानंतर मिरवणूक, साऊंड सिस्टीम, फटाक्यांसह गुलालावर बंदी; आजपासून जमावबंदी

बंद काळात आदेशाचे उल्लंघन करून दारूची विक्री सुरू असल्याचे आढळताच विक्रेत्यांवर कारवाई केली जाणार आहे. मतमोजणीच्या दिवशी मतमोजणी होणाऱ्या ठिकाणीही दारू विक्री बंद राहणार असल्याचे आदेशात स्पष्ट केले आहे. इतर दिवशी निवडणुका नसलेल्या नगरपालिका, महानगरपालिका कार्यक्षेत्रातील दारू विक्री सुरू राहणार आहे, अशी माहिती राज्य उत्पादन शुल्क विभागाच्या अधीक्षक स्नेहलता नरवणे यांनी दिली.