लक्ष्मीपुरी ठाण्यातील पोलिसाने वाचविला बुडणाऱ्या महिलेचा जीव; धाडसी कामगिरी

वेळेत मदत झाल्याने जीवदान

कोल्हापूर: येथील लक्ष्मीपुरी पोलिस ठाण्यातील पोलिस गौतम कृष्णात काबळे यांनी रविवारी गौतम कांबळे पंचगंगा नदीच्या पाण्यात बुडणाऱ्या महिलेचा जीव वाचविला. जीवाच्या आकांताने ती हातपाय हलवत तरंगत होती. बघ्यांची गर्दी झाली होती; पण कोणीही पाण्यात उडी मारून तिला बाहेर 
काढण्याचे धाइस करीत नव्हते. पोलिस गौतम यांनी अंगातील वर्दीनिशी पाण्यात उडी मारून धाडसाने पोहत बुडणाऱ्या त्या महिलेस जीवदान दिले.शहनाज रफिक शेख (वय ३४. रा. जरगनगर, कोल्हापूर, मूळ आपटी ता. पन्हाळा) असे त्या महिलेचे नाव आहे. तिव्यावर सीपीआरमध्ये उपचार सुरु आहेत.

पंचगंगा नदीवरील स्मशानभूमीच्या मागील बाजूच्या नदीपात्रात सकाळी साडेनऊच्या सुमारास एक महिला बुडत होती. ती गटांगळ्या खात तरंगताना काही लोकाना दिसली तेथील नागरिकांनी ११२ नंबरवर संपर्क करून ही माहिती दिली. तातडीने लक्ष्मीपुरीचे पोलिस गौतम कावळे तेथे पोहोचले. त्यावेळी महिला पाण्यात बुडत असल्याचे दिसले. क्षणाचाही विचार न करता गौतम यांनी खिशातील कागद, मोबाईल दुसन्याकडे दिला आणि वर्दीनिशी पाण्यात उडी घेतली. पोहत शहनाज या बुडणान्या महिलेजवळ ते पोहोचले तिला पाण्याच्या काठावर ओढत आणले काठावर आणून १०८ रुग्णवाहिकेतून उपचारासाठी तिला सीपीआरमध्ये दाखल केले.

तातडीने उपचार झाल्याने तिची प्रकृती सुधारली आहे. त्याची नोंद करवीर पोलिसांमध्ये झाली आहे. ती महिला पाण्यात कशी पडली याचा शोध पोलिस घेत आहेत.