इचलकरंजी : येथील महानगरपालिकेच्या महापौरपदासाठीचे आरक्षण नागरिकांचा मागास प्रवर्गाचे पडले आहे. त्यामुळे इच्छुकांची भाऊगर्दी वाढली आहे. कोणाच्या गळ्यात महापौरपदाची माळ पडणार, येत्या चार दिवसांत स्पष्ट होणार आहे.प्रथमच महानगरपालिकेची निवडणूक पार पडली. महापौरपदासाठी मुंबईत सोडत काढण्यात आली. त्यामध्ये इचलकरंजीसाठी नागरिकांचा मागास प्रवर्गाचे आरक्षण पडले. नागरिकांचा मागास प्रवर्गाचे खुले आरक्षण असल्यामुळे इच्छुकांची संख्या मोठी आहे. त्यामध्ये तानाजी पोवार, राजू बोंद्रे, प्रदीप धुत्रे, विठ्ठल चोपडे, सतीश मुळीक, नितेश पोवार, सुशांत कलागते, योगेश पाटील, अभिषेक वाळवेकर, ओमकार सुर्वे, उदय धातुंडे, राजू पुजारी, आदींचा समावेश आहे.ओबीसी दाखला असलेले मात्र खुल्या प्रवर्गातून निवडणूक लढवून विजयी झालेल्या नगरसेवकांनाही महापौरपदाची निवडणूक लढविता येणार आहे. त्यामुळे महापौरपदासाठी चुरस असणार आहे. सुरेश हाळवणकर आणि प्रकाश आवाडे हे दोन गट सध्या भाजपमध्ये आहेत. कोणत्या गटाला महापौरपद जाणार, यावर महापौरपदाचा उमेदवार ठरणार आहे. आता तरी आरक्षणाची सोडत झाली आहे. येथून पुढील चार दिवस महापौरपदाची उमेदवारी मिळविण्यासाठी रस्सीखेच असणार आहे. २६ जानेवारीनंतर महापौरपदाची निवडणूक होण्याची शक्यता आहे. अद्याप महापौरपदाची निवडणूक जाहीर झालेली नाही.२० वर्षानंतर पुरूष चेहऱ्याला संधीनगरपालिका असताना मागील २० वर्षे महिला नगराध्यक्षा शहराचा गाडा चालवत होत्या. त्यानंतर आता महानगरपालिकेमध्ये ओबीसी खुला प्रवर्ग पडल्यामुळे २० वर्षानंतर पुरूष चेहऱ्याला शहराचा गाडा हाकण्याची संधी मिळणार आहे.
Web Summary : Ichalkaranji Municipal Corporation's mayor post is reserved for OBC. Numerous candidates are vying for the position. The decision, influenced by political groups, is expected soon, potentially after January 26th. This marks a shift, offering a male candidate a chance after 20 years of female leadership.
Web Summary : इचलकरंजी महानगरपालिका में महापौर पद ओबीसी के लिए आरक्षित। कई उम्मीदवार पद के लिए प्रतिस्पर्धा कर रहे हैं। राजनीतिक समूहों से प्रभावित निर्णय जल्द ही होने की उम्मीद है, संभवतः 26 जनवरी के बाद। यह बदलाव 20 वर्षों के महिला नेतृत्व के बाद एक पुरुष उम्मीदवार को अवसर प्रदान करता है।