कोल्हापूर : अत्यंत अटातटीच्या झालेल्या प्रभाग क्रमांक चारमध्ये स्थायी समितीचे माजी सभापती राजेश लाटकर यांनी भाजपच्या संजय निकम यांचा तब्बल ४ हजारांहून अधिक मतांनी पराभव करत सदर बाजार परिसरात आपणच बाजीगर असल्याचे दाखवून दिले आहे. विशेष म्हणजे या प्रभागात चारही जागांवर काँग्रेसने बाजी मारल्याने लाटकर यांचे वजन पुन्हा एकदा सिद्ध झाले आहे.सदर बाजारसह कोरगावकर हायस्कूल, हेगडे चौक विचारे माळ झोपडपट्टी, निंबाळकर माळ झोपडपट्टी, ताराबाई गार्डन, सासणे ग्राऊंड, कनाननगर या परिसराचा समावेश असलेल्या प्रभाग क्रमांक ४ मध्ये राजेश लाटकर विरुद्ध संजय निकम ही लढत रंगतदार बनली होती. उत्तरमधून विधानसभा लढवलेले लाटकर थेट महानगरपालिकेच्या मैदानात उतरल्याने त्यांना घेरण्यासाठी भाजपने माजी नगरसेवक संजय निकम यांना रिंगणात उतरवले होते. मात्र, महापालिकेच्या राजकारणाचा पूर्वानुभव असल्याने लाटकर यांनी निकम यांचा तब्बल ४ हजार ७० मतांनी पराभव केला. निवडणुकीच्या रणधुमाळीत भाजपने या प्रभागावर अधिक लक्ष केंद्रित केले होते. मात्र, त्यांचे हे प्रयत्न तोकडे पडल्याचे दिसून आले. लाटकर यांनी स्वत:बरोबर उर्वरित चारही उमेदवारांना गुलाल लावत काँग्रेसच्या खात्यात जागांची भर टाकली.
Web Summary : Rajesh Latkar of Congress decisively defeated BJP's Sanjay Nikam in Kolhapur's Ward 4 by over 4,000 votes. Congress secured all four seats in the ward, reaffirming Latkar's influence in the Sadar Bazar area, despite BJP's focused efforts.
Web Summary : कोल्हापुर के वार्ड 4 में कांग्रेस के राजेश लाटकर ने भाजपा के संजय निकम को 4,000 से अधिक वोटों से हराया। कांग्रेस ने सभी चारों सीटें जीतीं, जिससे सदर बाजार क्षेत्र में लाटकर का प्रभाव फिर से स्थापित हो गया, भाजपा के प्रयासों के बावजूद।