समाजातील युवक, महिलांकरिता सक्षमीकरण योजना राबवू

मुळीक म्हणाले, कोल्हापूर हे चळवळीचे केंद्रे असून राज्याला दिशा देणारे आंदोलन येथे उभे करू. त्याकरिता ऐतिहासिक दसरा चौकात लवकरच समाजाचा मेळावा आयोजित करण्यात येईल. यात प्रामुख्याने सारथी संस्था, अण्णासाहेब पाटील अर्थिक विकास महामंडळ, आदींचा या मेळाव्यात प्रामुख्याने विषय असणार आहे. मराठा महासंघाच्या रूपाने राज्यात संघटनात्मक काम पूर्ण झाले आहे. काळाची गरज ओळखून युवक, महिलांचे सक्षमीकरण महत्त्वाची बाब आहे. त्याच्याकरिता सक्षमीकरणाची योजना प्राधान्याने राबविली जाईल. स्वागत विजय काकोडकर यांनी केले. प्रास्ताविक शशिकांत पाटील यांनी केले. आभार अवधूत पाटील यांनी मानले. प्रतीकसिंह काटकर, शैलजा भोसले, मिलिंद पाटील, राजू परांडेकर, किशोर दवंग, गोगा बाणदार यांनी मनोगत व्यक्त केले. यावेळी अश्विनी पाटील, उषाताई लांडे, मंगल कुराडे, शिवाजी वारके, महादेव केसरकर, आदी मान्यवर उपस्थित होते.

चौकट

प्रभागनिहाय शाखा स्थापन कराव्यात. महाविद्यालयात विद्यार्थी सभासद वाढवावेत. महापालिका निवडणुकीत मराठा समाजाच्या उमेदवारांमागे उभे राहूया, आदी सूचना उपस्थितांमधून मांडण्यात आल्या.

फोटो : ०१०२२०२१-कोल-मराठा महासंघ

ओळी : कोल्हापुरातील रेसकोर्स येथील महादेव मंदिरात सोमवारी मराठा महासंघाच्यावतीने आयोजित केलेल्या बैठकीत वसंतराव मुळीक यांनी मार्गदर्शन केले.

-