कोल्हापुरात भीषण अपघात; शाहूमिल परिसरात भरधाव कारने चौघांना उडवले, दोघे ठार

अपघातस्थळी नागरिकांची मोठी गर्दी

कोल्हापूर: शाहूमिल चौक ते उद्यमनगर रोडवर भीषण अपघात झाला. एका भरधाव कारने दुचाकीस्वारांना उडवल्याची प्राथमिक माहिती मिळाली. या अपघातात कार उलटलली आहे. यामुळे परिसरात एकच गोंधळ उडाला. पोलिसांनी घटनास्थळी धाव घेतली आहे. अपघातस्थळी नागरिकांनी मोठी गर्दी केली आहे.

या भीषण अपघातात दोघांचा मृत्यू झाला. कारने धडक दिल्यानंतर दुचाकीस्वार उडून पडल्याने गंभीर जखमी झाले. जखमींना रुग्णालयामध्ये दाखल करण्यात आले. मात्र उपचारादम्यान त्यांचा मृत्यू झाला. धडकेत दुचाकीचा चक्काचूर झाला होता. या अपघातात आणखी काहीजण जखमी असण्याची शक्यता आहे.

पोलिसांनी तत्काळ घटनास्थळी दाखल होत कार रस्त्यावरुन बाजूला करता वाहतूक सुरळीत केली. मात्र, अपघातस्थळी नागरिकांनी मोठी गर्दी केली होती.