मलकापूर : ग्रामीण भागातील रुग्णांना मलकापूर ग्रामीण रुग्णालय आधारवड ठरत असून येथे उपजिल्हा रुग्णालय निर्माण होण्यासाठी विशेष प्रयत्न करणार असल्याचे प्रतिपादन मलकापूर नगर पालिकेचे नगराध्यक्ष अमोल केसरकर यांनी केले. मलकापूर कृती समितीच्यावतीने मलकापूर ग्रामीण रुग्णालय येथे आयोजित सत्कार कार्यक्रमाप्रसंगी ते बोलत होते .
कृती समितीचे निमंत्रक विश्वास लोखंडे म्हणाले की प्रसूतीच्या वेदनेबरोबरच त्या कुटुंबाला आर्थिक भारही सहन करावा लागत असतो. मुलीच्या आई-वडिलांसमोर एक संकट असते. अशावेळी ग्रामीण रुग्णालयात आधार देणे गरजेचे आहे. ही जबाबदारी या ठिकाणी घेतली जात आहे. मलकापूर ग्रामीण रुग्णालयात वैद्यकीय अधीक्षक डॉ. देवकर यांच्या मार्गदर्शनाखाली डॉ.आशुतोष तराळ, डॉ. दिलजीत, डॉ. संज्योती जाधव, डॉ. वर्षा ठोंबरे, डॉ. मुजावर या सर्वांचा सत्कार नगराध्यक्ष अमोल केसरकर यांच्या हस्ते करण्यात आला. यावेळी भाऊ पडवळ, दस्तगीर आत्तार, सुरेश चांदणे, गणेश गांधी, चंद्रकांत सनगर, आर. बी. जामदार, संजय सनगर, अनिल सनगर आदींसह कृती समितीचे कार्यकर्ते उपस्थित होते
फोटो
मलकापूर कृती समितीच्यावतीने मलकापूर ग्रामीण रुग्णालयाचे डॉ. आशुतोष तराळ व टीमचा सत्कार करताना अमोल केसरकर, विश्वास लोखंडे , भाऊ पडवळ, सुरेश चांदणे आदी उपस्थित होते