कागल : माजी नगराध्यक्ष प्रकाशराव गाडेकर यांच्या ५६ व्या वाढदिवसानिमित्त वाढदिवस गौरव समिती आणि गाडेकर परिवार यांच्यावतीने येथील दावणे गल्ली, छ. शाहूनगर बेघर वसाहत व झोपडपट्टीमधील १५०० गरजू महिलांना ४ लाख रुपयांच्या साडया वाटप करण्याचा उपक्रम राबवण्यात येत असून, त्याचा प्रारंभ आज ग्रामविकास मंत्री हसन मुश्रीफ यांच्याहस्ते करण्यात आला.
यावेळी प्रकाश गाडेकर, उपनगराध्यक्ष बाबासाहेब नाईक, प्रवीण काळबर, अजित कांबळे आदी उपस्थित होते.
कोरोनाच्या पार्श्वभूमीवर प्रकाश गाडेकर यांनी आपला वाढदिवस साजरा केला नाही. पण विविध सामाजिक उपक्रम राबविण्यात आले. गतवर्षी गाडेकर परिवार ज्या प्रभागाचे प्रतिनिधित्व करतो, तेथे गतवर्षी जीवनावश्यक वस्तू आणि धान्य वाटप करण्यात आले होते. तर यावर्षी साड्या वाटप करण्यात येत आहेत. माजी नगराध्यक्ष संगीता गाडेकर, माजी उपनगराध्यक्षा नूतन गाडेकर, महेश गाडेकर डाॅ. स्वप्नजा गाडेकर यांच्याहस्ते जीवनावश्यक वस्तूही प्रदान करण्यात आल्या.
. नगरसेवक आनंदराव पसारे, सौरभ पाटील, भिकाजी देवकर, विवेक लोटे, सतीश घाडगे, भगवान कांबळे, प्रवीण सोनुले, संतोष राजपूत, कुशाल कानडे, अनिल वाडकर, सुनील पाटील, दगडू कुडचे, बच्चन कांबळे, उत्तम वाडेकर उपस्थित होते.
फोटो कॅपशन
कागल येथे माजी नगराध्यक्ष प्रकाश गाडेकर यांच्या वाढदिवसानिमित्त गरजू महिलांना साडी वाटप उपक्रमाचा प्रारंभ मंत्री हसन मुश्रीफ यांच्याहस्ते करण्यात आला. यावेळी प्रकाश गाडेकर व मान्यवर उपस्थित होते.