कोल्हापूर : फुलेवाडी रिंग रोड येथील युवकाने राहत्या घरी गळफास घेऊन मंगळवारी (दि. १२) आत्महत्या केली. बबन आनंद पाटील (वय ३४, रा. डायना कॅसल अपार्टमेंट, फुलेवाडी रिंग रोड) असे आत्महत्या केलेल्या युवकाचे नाव आहे. त्याने चादरीने लोखंडी अँगलला गळफास घेऊन आत्महत्या केली. रात्री साडेदहाच्या सुमारास हा प्रकार उघडकीस आला. त्याची नोंद जुना राजवाडा पोलीस ठाण्यात झाली आहे. बबन याचे महाद्वार रोड येथे कपड्यांचे दुकान होते. मात्र, व्यवसायातील नुकसानीमुळे त्याने ते बंद केले होते. त्याच्या पश्चात दोन भाऊ, भावजय असा परिवार आहे.
फोटो (१२०१२०२१-कोल-बबन पाटील (आत्महत्या)
.......... ........................
टिंबर मार्केट येथे एकाची आत्महत्या
कोल्हापूर : टिंबर मार्केट परिसरातील जयकुमार रंगराव सावंत (वय ५४, रा. टिंबर मार्केट) यांनी राहत्या घरी गळफास घेऊन आत्महत्या केली. मंगळवारी (दि. १२) रात्री साडेआठच्या सुमारास हा प्रकार उघडकीस आला. त्याची नोंद जुना राजवाडा पोलीस ठाण्यात झाली आहे. घरामध्ये कोणी नसताना सावंत यांनी तुळईला गळफास घेतला. आजारपणाला कंटाळून त्यांनी हे कृत्य केल्याचे पोलिसांनी सांगितले. त्यांच्या पश्चात पत्नी, तीन मुली, मुलगा असा परिवार आहे.