कोल्हापूर : येथील महेंद्र ज्वेलर्स या सराफ पेढीच्या वतीने ११६ व्या वर्धापनदिनानिमत्त शनिवारी शाहू स्मारक भवनात आयोजित केलेल्या शानदार कार्यक्रमात ६० कर्तबगार महिलांचा ‘ग्रेट ताई’ पुरस्काराने सन्मान करण्यात आला.
अनेक महिला नोकरी व व्यवसाय सांभाळत शेकडो किलोमीटर अंतर पार करत त्यांच्या कौटुंबिक जबाबदाऱ्याही उत्तमरीत्या पार पाडत आहेत. अशा कर्तबगार महिलांच्या पाठीवर शाबासकीची थाप मारण्याच्या हेतूने महेंद्र ज्वेलर्सने अनोख्या उपक्रमाचे आयोजन केले होते. मधुरिमाराजे छत्रपती, भरत ओसवाल, चेंबर ऑफ कॉमर्सचे संजय शेटे, चंद्रकांत ओसवाल, विजय ओसवाल यांच्या हस्ते दीप प्रज्वलन करण्यात आले.
कोल्हापूरच्या सराफ बाजारपेठेत ११५ वर्षांपूर्वी वरदाजी ओसवाल यांनी महेंद्र ज्वेलर्स या सराफा पेढीची पायाभरणी केली. शुद्धता आणि विश्वासार्हता जपत सोनमल ओसवाल यांनी त्यावर कळस चढविला तर भरत, चंद्रकांत, देविचंद आणि महेंद्र ओसवाल यांनी पेढीच्या विश्वासार्हतेची पताका पश्चिम महाराष्ट्रभर नेली. या कुटुंबीयांची चौथी पिढी सध्या महेंद्र ज्वेलर्सची धुरा उत्तमरीत्या सांभाळत असल्याचे गौरवोद्गार मधुरिमाराजे छत्रपती यांनी काढले, यावेळी राजू ओसवाल, नितेश ओसवाल, कुशल ओसवाल, मेहुल ओसवाल, अंकित ओसवाल आदी उपस्थित होते.
फोटो ओळी : महेंद्र ज्वेलर्सच्या वतीने शनिवारी शाहू स्मारक भवनात कर्तबगार महिलांचा गौरव करण्यात आला. यावेळी चंद्रकांत ओसवाल, संजय शेट्टे, मधुरिमाराजे छत्रपती, भरत ओसवाल आदी उपस्थित होेते. (फोटो-२००२२०२१-कोल-महेंद्र ज्वेलर्स) (छाया- आदित्य वेल्हाळ)