गडहिंग्लज / नेसरी : सांबरे (ता.गडहिंग्लज) येथील धार्मिक कार्यक्रमानिमित्त आयोजित महाप्रसादातून सुमारे २५० ते ३०० नागरिकांना विषबाधा झाली आहे. त्यामुळे वयोवृद्धांसह पुरुष, महिला व बालकांचाही समावेश आहे. त्यांच्यावर नेसरी ग्रामीण रुग्णालयासह उपजिल्हा रुग्णालय, कानडेवाडी, मुंगुरवाडी, सांबरे, कोवाड, माणगाव येथील प्राथमिक आरोग्य केंद्र आणि खासगी रुग्णालयात उपचार सुरू आहेत. या प्रकारामुळे गडहिंग्लज विभागासह जिल्ह्यात खळबळ उडाली आहे.गुरुवारी (४) हा धार्मिक कार्यक्रम झाला. त्यानंतर, शुक्रवारी (५) सकाळी महाप्रसादाचे आयोजन करण्यात आले होते. सकाळी १० नंतर महाप्रसादाला सुरुवात झाली. त्यानंतर, महाप्रसाद घेतलेल्यांना उलट्या व जुलाबाचा त्रास सुरू झाला. त्यामुळे संबंधितांना उपचारासाठी जवळच्या रुग्णालयात दाखल करण्यात आले.येथील ग्रामीण रुग्णालयातील खाटांची संख्या मर्यादित आहे. त्यामुळे एकेका खाटावर दोन-तीन रुग्ण आणि उर्वरित रुग्णांना जमिनीवर झोपवून उपचार करण्यात आले. प्राथमिक उपचारानंतर लहान मुलांना गडहिंग्लज येथील उपजिल्हा रुग्णालयात पाठविण्यात आले, तसेच अन्य रुग्णांना कानडेवाडी, मुंगूरवाडी, सांबरे, कोवाड, माणगाव येथील प्राथमिक आरोग्य केंद्रात पाठविण्यात आले. काहींनी गडहिंग्लजसह परिसरातील खासगी रुग्णालयात धाव घेतली.दरम्यान, माजी आमदार राजेश पाटील, प्रांताधिकारी एकनाथ काळबांडे, नेसरीच्या सरपंच गिरीजादेवी शिंदे, संग्रामसिंह कुपेकर, विद्याधर गुरबे, नागेश चौगुले, महेश कोरी, नरेंद्र भद्रापूर, भारती जाधव आदींनी रुग्णालयांना भेट देऊन रुग्ण व नातेवाइकांची विचारपूस केली. नेसरी व गडहिंग्लजचे वैद्यकीय अधीक्षक चंद्रकांत खोत, गडहिंग्लज तालुका आरोग्य अधिकारी गीता कोरे, प्रशांत कोरे, डॉ.श्याम सागर, स्वाती पाटील आदींनी उपचार केले.‘सीपीआर’सह बेळगाव येथील केएलई, गडहिंग्लजचे केदारी रेडेकर रुग्णालय, महागावचे संत गजानन महाराज रुग्णालयाचे वैद्यकीय पथक सांबरे येथे दाखल झाले आहे. नेसरी परिसरातील आशासेविका आणि आरोग्यसेवक यांनाही मदतीसाठी पाचारण करण्यात आले आहे.
खाद्यपदार्थांचे नमुने घेतलेमहाप्रसादात शिरा, भात, आमटी, कोबी व बटाट्याची भाजीचा समावेश होता. अन्न आणि औषध प्रशासनाने महाप्रसादातील खाद्यपदार्थांचे नमुने तपासणीसाठी घेतले आहेत. विषबाधा कशातून झाली, हे तपासणी अहवालानंतरच स्पष्ट होणार आहे.
रुग्णांची संख्या वाढण्याची शक्यतादरवर्षीप्रमाणे या वर्षीही सुमारे २ हजार भाविकांसाठी महाप्रसादाची सोय करण्यात आली होती. सांबरे ग्रामस्थांसह काळमवाडी, यमेहट्टी, तावरेवाडीसह नेसरी पंचक्रोशीतील भाविक ‘श्रीं’चे दर्शन आणि महाप्रसादासाठी आले होते. त्यामुळे रुग्णांची संख्या वाढण्याची शक्यता आहे.
डॉक्टरांसह नातेवाइकांचीही तारांबळज्येष्ठ नागरिक आणि लहान मुलांना अधिक त्रास जाणवत होता. त्यांच्या उपचारासाठी वैद्यकीय पथकासह नातेवाइकांचीही तारांबळ उडाली. रुग्णांना उपचारासाठी आणण्यासाठी गडहिंग्लज, आजरा, चंदगड तालुक्यातील सर्व रुग्णवाहिकांसह खासगी वाहनांचा आधार घ्यावा लागला.
सार्वजनिक आरोग्यमंत्री तथा पालकमंत्री प्रकाश आबीटकर, वैद्यकीय शिक्षणमंत्री हसन मुश्रीफ, आमदार शिवाजी पाटील, जिल्हा शल्य चिकित्सक प्रशांत वाडीकर यांनी भ्रमनध्वनीवरून माहिती घेऊन वैद्यकीय अधिकाऱ्यांना सूचना दिल्या.
Web Summary : Around 100 villagers in Sambre, Gadhinglaj, suffered food poisoning after consuming Mahaprasad during Datta Jayanti celebrations. Affected individuals were admitted to Gadhinglaj Government Hospital. Their condition is now stable.
Web Summary : गढ़िंग्लज तालुका के सांबरे गांव में दत्त जयंती के महाप्रसाद के बाद लगभग 100 ग्रामीणों को फूड पॉइजनिंग हो गई। पीड़ितों को गडहिंग्लज सरकारी अस्पताल में भर्ती कराया गया है। उनकी हालत अब स्थिर है।