भारतीय ब्लू महिला क्रिकेट संघात आदिती गायकवाडची वर्णी

कोल्हापूर जिल्हा क्रिकेट असोसिएशनची महिला क्रिकेटपटू आदिती गायकवाड हिची गुंटूर येथे होणाऱ्या महिला चॅलेंजर टी-२० चषक स्पर्धेसाठी खुल्या भारतीय ब्लू महिला संघात निवड झाली.

ठळक मुद्देभारतीय ब्लू महिला क्रिकेट संघात आदिती गायकवाडची वर्णीगुंटूर येथे होणाऱ महिला चॅलेंजर टी-२० चषक

कोल्हापूर : कोल्हापूर जिल्हा क्रिकेट असोसिएशनची महिला क्रिकेटपटू आदिती गायकवाड हिची गुंटूर येथे होणाऱ्या महिला चॅलेंजर टी-२० चषक स्पर्धेसाठी खुल्या भारतीय ब्लू महिला संघात निवड झाली.

गुंटूर येथे १० ते १८ नोव्हेंबरदरम्यान होणाऱ्या या स्पर्धेत भारतीय ब्लू, भारतीय ग्रीन, भारतीय रेड या संघांमध्ये साखळी सामने होणार आहेत. या स्पर्धेतून भारतीय महिला संघ निवडला जाणार आहे. त्यामुळे या स्पर्धेस अनन्यसाधारण महत्त्व प्राप्त झाले आहे. आदितीची प्रथमच या चॅलेंजर ट्रॉफीसाठी निवड होत आहे.

यापूर्वी तिने महाराष्ट्र १९ वर्षांखालील महिला संघात चार वर्षे स्थान मिळविले होते. तिची यापूर्वी २०१५-१६ ला भारतीय क्रिकेट नियामक मंडळ (बीसीसीआय)च्या पश्चिम विभागीय १९ वर्षांखालील महिला संघातही निवड झाली होती.