कार्यकर्त्यानेच मारला डल्ला गणपतींच्या आभूषणावर

कोल्हापूर : गणेशोत्सव कालावधीत रात्रीच्या वेळी मंडपात झोपणाऱ्या कार्यकर्त्यानेच श्री गणेश मूर्तीवरील चांदीच्या आभूषणावर डल्ला मारल्याचे उघडकीस आले. याप्रकरणी स्थानिक गुन्हे अन्वेषण पथकाने सुयश उर्फ वरुण महेश हुक्केरी (वय १९, रा. राजाराम चौक, टिंबर मार्केट) याला अटक केली. त्याच्या ताब्यातील चोरीचे सुमारे ६५ हजारांचे चांदीचे दागिने जप्त केले. टिंबर मार्केट परिसरातील राजाराम चौक मित्रमंडळाच्या गणेश मूर्तीवरील चांदीच्या दागिन्यांची चोरी झाली होती.

पोलिसांनी दिलेली माहिती अशी की, गणेशोत्सव कालावधीत टिंबर मार्केट परिसरातील राजाराम चौक तरुण मंडळाच्या मंडपात रात्री कार्यकर्ते झोपत होते. तरीही दि. १५ सप्टेंबर रोजी रात्री श्री गणेश मूर्तीवरील चांदीची काही आभूषणे अज्ञाताने चोरल्याची तक्रार जुना राजवाडा पोलीस ठाण्यात दाखल झाली होती. याप्रकरणी स्थानिक गुन्हे अन्वेषण पथकातील पोलीस समांतर तपास करत होते. स्थानिक गु्न्हे अन्वेषण पथकाचे पोलीस निरीक्षक प्रमोद जाधव यांना संबंधीत मंडळाच्या गणेश मूर्तीवरील दागिने सुयश हुक्केरी याने चोरल्याची माहिती गोपनीय बातमीदारामार्फत मिळाली होती. त्याअनुषंगाने पोलिसांनी त्याला ताब्यात घेऊन चौकशी केली असता त्याने मूर्तीवरील चांदीचे दागिने चोरल्याची कबुली दिली. त्यानुसार पोलिसांनी त्याच्याकडून श्री गणेश मूर्तीच्या हातातील चांदीची दोन कडी, चार अंगठ्या असा सुमारे १,३८१ ग्रॅम वजनाचा मुद्देमाल जप्त केला. ही कारवाई पोलीस उपनिरीक्षक किशोर डोंगरे, हे. कॉ. विजय कारंडे, किरण गावडे, कुमार पोतदार, प्रदीप पोवार, अजय गोडबोले आणि पांडुरंग पाटील यांनी केली.

पाण्याच्या खणीजवळ लपवले दागिने

चोरट्याने मूर्तीवरील चोरलेले चांदीचे दागिने प्रथम आपल्याजवळ ठेवले, पोलीस चौकशी करत असताना त्याने ते योगेश पाटील यांच्या घरानजीकच्या खणीजवळ लपवून ठेवले होते, ते त्याने काढून पोलिसांच्या स्वाधीन केले.

फोटो नं. २१०९२०१-कोल-चोरी०१

ओळ : कोल्हापुुरात राजाराम चौकातील गणेश मंडळातील मूर्तीवरील चांदीचे दागिने चोरल्याप्रकरणी स्थानिक गुन्हे अन्वेषण पोलीस पथकाने संशयित आरोपी सुयश हुक्केरी याला अटक केली.

फोटो नं. २१०९२०१-कोल-चोरी०२

ओळ : जप्त केलेले चोरीतील चांदीचे दागिने.

210921\21kol_3_21092021_5.jpg~210921\21kol_4_21092021_5.jpg

ओळ : कोल्हापूरात राजाराम चौकातील गणेश मंडळातील मूर्तीवरील चांदीचे दागिणे चोरल्याप्रकरणी स्थानिक गुन्हे अन्वेषण पोलीस पथकाने संशयीत आरोपी सुयश हुक्केरी याला अटक केली. फोटो नं. २१०९२०१-कोल-चोरी०२ओळ : जप्त केलेले चोरीतील चांदीचे दागिणे.~ओळ : कोल्हापूरात राजाराम चौकातील गणेश मंडळातील मूर्तीवरील चांदीचे दागिणे चोरल्याप्रकरणी स्थानिक गुन्हे अन्वेषण पोलीस पथकाने संशयीत आरोपी सुयश हुक्केरी याला अटक केली. फोटो नं. २१०९२०१-कोल-चोरी०२ओळ : जप्त केलेले चोरीतील चांदीचे दागिणे.