जिच्या फिटनेसनं संपूर्ण जगाचं लक्ष वेधलं. जिचं शरीर आणि चमकती त्वचा पाहून तिच्या वयाचा अंदाज लावणंही शक्य होत नाही. अशी सुंदर आजी आता तिच्या सौंदर्याचं गुपित शेअर करत आहे (Boldest Granny). ऑस्ट्रेलियाची जिना स्टिवर्ट, हिला जगातील सर्वात फीट आणि धाडसी आजी म्हणून ओळखलं जातं. तिने आता तिच्या सौंदर्यामागील एक रहस्य शेअर केलं आहे (Health Tips). हे रहस्य एक जादुई पेय असल्याचा तिचा दावा आहे. हे प्यायला सुरुवात केली की माणसाच्या आरोग्यात आणि शरीरात उत्तम बदल आपोआप दिसू लागतात, असं तिचं म्हणणं आहे.
बोल्ड आणि सुंदर मॉडेल जिना स्लिम फिगरसाठी एक खास पेय सुचवते ज्यात औषधी वनस्पती आहेत. हे प्यायल्यानंतर थकवा जाणवत नाही आणि पोटाची चरबी लवकर नाहीशी होते. ज्यांचं पोट अजून बाहेर आलेलं नाही त्यांच्यासाठीही ही गोष्ट मेन्टेन ठेवण्याकरता हे पेय उपयुक्त ठरतं.
उत्कृष्ट शरीरयष्टी आणि बोल्ड स्टाईलसाठी ओळखल्या जाणाऱ्या जिना स्टिवर्टचे इंस्टाग्रामवर ३ लाख २१ हजार फॉलोअर्स आहेत. इथे ती बोल्ड स्टाईलसह फिटनेस आणि हेल्दी लाईफस्टाइलबद्दल टिप्स देत असते. हे तिच्या चाहत्यांना खूप आवडतं. जिना ही व्यावसायिक आरोग्य प्रशिक्षक नसली तरी, तिने राखलेली स्वतःची शरीरयष्टी पाहून कोणालाही तिच्या टिप्स त्वरीत फॉलो करायला आवडेल.
जिनाने सांगितलेल्या स्पेशल ड्रिंकची रेसिपी म्हणजे सहा कप पाण्यात अर्धे कापलेले लिंबू, अर्ध्या लिंबाचा रस, काही पुदिन्याची पाने, चिरलेली काकडी आणि एक चमचा ताज्या आल्याचा रस मिसळून बनवलेलं हर्बल ड्रिंक. हे शरीरातील सर्व विषारी द्रव्ये काढून टाकतं. शरीराला आतून शुद्ध करते. ज्यामुळे व्यक्तीला दिवसभर ताजेतवाने आणि उत्साही वाटते.
फक्त इतकंच नाही तर तुम्हाला त्वचेवरही याची चमक पाहायला मिळेल., हेच जिनाच्या चमकदार त्वचेचे रहस्य आहे. वयाची पन्नाशी ओलांडल्यानंतरही तिचे अनेक चाहते आहेत. तिला आतापर्यंतच्या १० सर्वात बोल्ड ऑस्ट्रेलियन्सपैकी एक म्हणूनही वोट दिलं गेलं होतं. तिच्या चाहत्यांना तिने दिलेल्या टिप्स आवडतात आणि ते या फॉलोही करतात.