तब्बल ५५०० किलो सोन्यातून उजळले भगवान बुद्ध; एका चुकीने उलगडलं कित्येक दशक दडलेले 'रहस्य'?

३ मीटर उंच असलेल्या या मूर्तीच्या शरीराचा जवळपास ४० टक्के भाग शुद्ध सोन्याचा आहे. ही मूर्ती १३ ते १५ व्या शतकात सुखोथाई काळात बनवण्यात आली होती

जगातील सर्वात मोठी सॉलिड गोल्ड बुद्धाची प्रतिमा कायम सोशल मीडियावर नजरेस पडते. ही मूर्ती कुठल्या देशात आहे, हे माहिती आहे का? याला गोल्डन बुद्ध म्हणतात, जी थायलंडमध्ये आहे. ३ मीटर उंच आणि ५५०० किलो सोन्याने बनलेली ही मूर्ती आहे. या मूर्तीच्या विविध हिस्स्यात सोन्याची शुद्धता वेगवेगळी आहे. केस आणि डोक्याकडील भाग ९९ टक्के शुद्ध सोन्याने बनलेला आहे. थायलंडची सुवर्ण बुद्ध मूर्ती किती जुनी आहे, तिचे रहस्य कसे उघड झाले आणि तिचे धार्मिक आणि ऐतिहासिक महत्त्व काय आहे ते जाणून घेऊया

३ मीटर उंच असलेल्या या मूर्तीच्या शरीराचा जवळपास ४० टक्के भाग शुद्ध सोन्याचा आहे. ही मूर्ती १३ ते १५ व्या शतकात सुखोथाई काळात बनवण्यात आली होती. बर्मा आक्रमणच्या वेळी ही मूर्ती सुरक्षित ठेवण्यासाठी त्याला प्लास्टरने झाकण्यात आले होते, जेणेकरून ही मूर्ती इतर सामान्य मूर्तीसारखी वाटेल आणि आक्रमणकर्त्यांकडून तिचा बचाव होईल. १९५५ साली या मूर्तीचे रहस्य उलगडले आणि संपूर्ण जग हैराण झाले. सुखोथाई साम्राज्याच्या काळात बौद्ध कला सुवर्ण युगात होती असा दावा केला जातो. म्हणून ही मूर्ती पूर्णपणे सोन्याने कोरली गेली होती. वर्षानुवर्षे, ती मातीची बुद्ध मूर्ती मानली जात होती आणि वारसा म्हणून जतन केली जात होती. १९५५ मध्ये, ती बँकॉकमधील वाट ट्रायमिट मंदिरात हलविण्याची योजना आखण्यात आली होती, परंतु एका चुकीमुळे त्या मूर्तीची खरी ओळख उघड झाली.

'असं' उलगडलं रहस्य

१९५५ मध्ये जेव्हा ही मूर्ती नवीन मंदिरात नेली जात होती, तेव्हा मूर्तीचा एक भाग चुकून तुटला, ज्यामुळे त्यातील सोन्याची मूर्ती बाहेर दिसली. तेव्हा जगासमोर तिची खरी ओळख उलगडली. या मूर्तीत भगवान बुद्ध ध्यानस्थ अवस्थेत असल्याचे दिसून येते. बुद्धांचा चेहरा शांत दिसतो, त्यांचे डोळे खाली पाहत असलेले असतात आणि चेहऱ्यावर हलकेसे स्मित असते. त्यांच्या केसांमधील सोनेरी कुरळे आणि कपाळावरील रत्नासारखे तेज ज्ञान, करुणा आणि आंतरिक शांतीचे प्रतीक असल्याचे म्हटले जाते. दरवर्षी जगभरातून लाखो लोक बुद्धांच्या ध्यानस्थ मुद्रा पाहण्यासाठी थायलंडला भेट देतात. सुवर्ण बुद्ध मूर्ती थायलंडचा धार्मिक खजिना मानली जाते. ही थायलंडच्या समृद्ध संस्कृतीचे आणि बौद्ध धर्मावरील भक्तीचे प्रतीक बनली आहे. गिनीज वर्ल्ड रेकॉर्ड्सने जगातील सर्वात मोठी घन सोन्याची बुद्ध मूर्ती म्हणून याला मान्यता दिली आहे. सोने भगवान बुद्धांच्या पवित्र ज्ञानाचे, शांतीचे आणि अमरत्वाचे प्रतीक मानले जाते.

या मूर्तीचे महत्त्व अफाट आहे. ते थायलंडच्या सांस्कृतिक वारशाचे आणि कलात्मक उत्कृष्टतेचे प्रतीक आहे. ही मूर्ती हजारो पर्यटकांना आकर्षित करते जी त्यांची सुवर्ण झळाळी पाहण्यासाठी आणि त्याचे ऐतिहासिक महत्त्व समजून घेण्यासाठी येतात. या मूर्तीच्या दडलेल्या रहस्याची आणि आकस्मिक शोधाची कहाणी पर्यटकांना आश्चर्यचकित करते, जी थायलंडच्या इतिहासाची कहाणी उलगडते.