विवाहित प्रेयसीला तिच्या सासरी भेटण्यासाठी गेला, सासरच्या लोकांना बेडरूममध्ये दिसले आणि...
By ऑनलाइन लोकमत | Updated: June 21, 2023 12:12 IST2023-06-21T12:07:49+5:302023-06-21T12:12:38+5:30
Rajasthan : महिला आणि तरूणामध्ये प्रेम प्रकरण सुरू होतं. त्यामुळे तरूण विवाहित प्रेयासीला भेटण्यासाठी तिच्या घरी गेला. तिथे महिलेच्या सासरच्या लोकांनी त्यांना आक्षेपार्ह स्थितीत पाहिलं.
विवाहित प्रेयसीला तिच्या सासरी भेटण्यासाठी गेला, सासरच्या लोकांना बेडरूममध्ये दिसले आणि...
Rajasthan : राजस्थानच्या सवाई माधोपूर जिल्ह्याच्या गंगापुरसिटी भागात एक महिला आणि तरूणाला खांबाला बांधून मारहाण करण्याचा व्हिडीओ समोर आला आहे. हा व्हिडीओ कुनकटा गावातील असल्याचं सांगितलं जात आहे. या व्हिडिओबाबत सांगण्यात आलं की, महिला आणि तरूणामध्ये प्रेम प्रकरण सुरू होतं. त्यामुळे तरूण विवाहित प्रेयासीला भेटण्यासाठी तिच्या घरी गेला. तिथे महिलेच्या सासरच्या लोकांनी त्यांना आक्षेपार्ह स्थितीत पाहिलं.
त्यानंतर दोघांना पकडून घरातच एका खांबाला बांधण्यात आलं. नंतर दोघांनाही मारहाण करण्यात आली. व्हायरल झालेल्या व्हिडिओत तरूण अर्धनग्न स्थितीत दिसत आहे. काही लोक त्याला विचारपूस करत आहेत आणि त्याचा व्हिडीओ काढत आहेत. महिला स्वत:ला मारहाणीपासून वाचवण्यासाठी जोरजोरात ओरडत आहे.
असं सांगण्यात आलं आहे की, तरूण महिलेला सतत भेटण्यासाठी येत होता. काही दिवसांआधी महिलेच्या सासरच्या लोकांना जेव्हा याबाबत माहिती मिळाली तेव्हा त्यांनी तरूणाला मारहाण केली. तरीही पुन्हा एकदा तरूण महिलेला भेटण्यासाठी आला होता. पण दोघांना महिलेच्या सासरच्या लोकांनी त्यांना रंगेहाथ पकडलं. नंतर दोघांना मारहाण केली.
हेही सांगितलं जात आहे की, आरोपी तरूण दौसा जिल्ह्यातील लालसोटच्या एका कॉलेजमधील विद्यार्थी संघटनेचा अध्यक्ष राहिला आहे. पोलिसात त्याच्याविरोधात अजून तक्रार दाखल झालेली नाही. पण सोशल मीडियावर व्हिडीओ व्हायरल झाला आहे.
Web Title: Lover caught with married girlfriend bedroom in Sawai Madhopur in laws beat them badly
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
