लग्नानंतर लगेच फरार झाला नवरदेव, प्रेयसीसोबत आक्षेपार्ह स्थितीत सापडल्यानंतर लावलं होतं लग्न

Jara Hatke : प्रेयसीच्या कुटुंबियांनी दोघांना आक्षेपार्ह स्थितीत पाहिलं. यानंतर गावातील लोकांनी आणि कुटुंबियांनी त्यांना पकडून त्यांचं लग्न लावलं.

Jara Hatke : बिहारच्या मुजफ्फरपूरच्या सकरामधून दगा देणाऱ्या एका प्रियकराचा कारनामा समोर आला आहे. असं सांगण्यात आलं की, आईवर उपचार करण्यासाठी आलेल्या तरूणीला प्रेमाच्या जाळ्यात अडकवून 6 महिने तरूण तिला लपून लपून भेटत राहिला. अशात तो रात्री प्रेयासीच्या घरी पोहोचला. प्रेयसीच्या कुटुंबियांनी दोघांना आक्षेपार्ह स्थितीत पाहिलं. यानंतर गावातील लोकांनी आणि कुटुंबियांनी त्यांना पकडून त्यांचं लग्न लावलं.

मुजफ्फरपूरच्या सकरामधील एक तरूणी आपल्या आईच्या उपचारासाठी समस्तीपूरच्या हॉस्पिटलमध्ये पोहोचली होती. तिथे तिची भेट गोलू कुमारसोबत झाली. गोलू हॉस्पिटलमध्ये कंपाउंडरचं काम करत होता. दोघांमध्ये प्रेम झालं आणि लपून लपून भेटू लागले.

सोमवारी गोलू प्रेयसीला भेटण्यासाठी पोहोचला तेव्हा त्यांना कुटुंबियांनी पाहिलं. त्यानंतर गावात आणि नंतर पोलीस स्टेशनमध्ये हाय व्होल्टेज ड्रामा झाला. मुलीकडील लोक लग्नासाठी अडून बसले. त्यानंतर पोलिसांनी हस्तक्षेप करत दोन्हीकडील लोकांना लग्नासाठी तयार केलं. यानंतर रात्री उशीरा तरूण तरूणीच्या घरी पोहोचला आणि तरूणीसोबत हिंदू रिती-रिवाजानुसार त्याने लग्न केलं.

लग्नाच्या काही वेळानंतर जेव्हा मुलीकडील लोक नवरीच्या पाठवणीची तयारी करत होते तेव्हाच संधी बघून नवरदेव फरार झाला. जेव्हा हे मुलीकडील लोकांना समजलं तेव्हा एकच गोंधळ झाला. लोक नवरदेवाचा शोध घेत होते, पण त्याचा काही पत्ता लागला नाही.

याबाबत पंचायतचे मुख्य मनोज कुमार म्हणाले की, पंचायतनंतर जेव्हा तरूणाने तरूणीसोबत लग्न करण्यास होकार दिला तेव्हा त्यांचं रात्री उशीरा लग्न लावण्यात आलं. पण काही वेळानेच तरूण फरार झाला. ज्याचा शोध घेतला जात आहे.