चाळीसगाव : रोटरी क्लब ऑफ मिल्कसिटी संगमचा पद्ग्रहण सोहळा आशा वेणूगोपाल (नाशिक भावी प्रांतपाल, २०२३-२४, डिस्ट्रिक ३०३०) यांच्या अध्यक्षतेखाली पार पडला.
उपप्रांतपाल राजेश मोर, डिस्ट्रिक्ट जॉईन सेक्रेटरी संकेत छाजेड, रोटरी पीस फेलोशिप चेअरमन प्रा. डॉ. राहुल कुलकर्णी यांच्या प्रमुख उपस्थितीत नुकताच झाला.
रोटरी क्लब ऑफ मिल्कसिटी संगमचे सचिव प्रा. डॉ. गुणवंतराव शेळके यांनी कॉलर देऊन नूतन सेक्रेटरी दीपक पाटील यांच्याकडे तर अध्यक्ष प्रकाश कुलकर्णी यांनी नूतन अध्यक्ष बाळाप्रसाद राणा यांना चार्टर्ड, कॉलर देऊन तर खजिनदार आधार महाले यांनी नूतन खजिनदार रोटे अंकिता इस्रानी यांच्याकडे पदभार हस्तांतरित केला.
सर्वप्रथम रोटरीचे जनक पॉल हरिस यांच्या प्रतिमेस पुष्पहार अर्पण केला. अतिथींचा सत्कार करून रोटे प्रकाश नाना कुलकर्णी यांनी त्यांच्या कालावधीत केलेल्या कार्याचा अहवाल सादर केला. नूतन अध्यक्ष राणा यांनी यावर्षी राबविण्यात येणाऱ्या उपक्रमाबाबत मनोगत व्यक्त केले. डॉक्टर्स डे निमित्ताने डॉ. हरीश दवे, शेतकरी डे निमित्ताने आदर्श शेतकरी सुधीर पाटील, सी.ए. डे निमित्ताने नीलेश गुप्ता यांचा सत्कार करण्यात आला. नीलेश गुप्ता यांचा प्रातिनिधीक स्वरूपात करण्यात आला
सूत्रसंचालन रोटे- मेघा बक्षी यांनी केले. रोटरक्त क्लब, इनरव्हिल क्लब, रोटरी क्लब ऑफ मिल्कसिटी संगमच्या सदस्यांनी ऑनलाइन उपस्थित राहून शुभेच्छा दिल्या.