- विनायक वाडेकरमुक्ताईनगर (जि.जळगाव) - केंद्रीय क्रीडा राज्यमंत्री रक्षा खडसे यांच्या मालकीच्या रक्षा ऑटो फुएल्स या मुक्ताईनगरातील पेट्रोल पंपावर दरोडा टाकण्यात आला. यात दोन कर्मचाऱ्यांना बंदुकीचा धाक दाखवत मारहाण करीत तोडफोड करण्यात आली. जवळपास एक लाख रुपयांची रोकड लंपास करण्यात आली. ही थरारक घटना राष्ट्रीय महामार्गावर गुरुवारी रात्री १०:४५ वाजेच्या सुमारास घडली.
प्रकाश माळी व दीपक खोसे अशी मारहाण झालेल्या कर्मचाऱ्यांची नावे आहेत. राष्ट्रीय महामार्गावर असलेल्या या पेट्रोल पंपावर दोन दुचाकीवर आलेल्या पाच जणांनी अचानक या कर्मचाऱ्यांना मारहाण करण्यास सुरुवात केली. कर्मचाऱ्यांच्या डोक्याला बंदूक लावत गल्ल्यातील आणि कर्मचाऱ्यांकडे असलेली जवळपास एक लाख रुपयांची रोकड लंपास केली. तसेच ऑफिसमधील संगणक, प्रिंटर, सीसीटीव्ही आणि विविध इलेक्ट्रॉनिक उपकरणांची तोडफोड करण्यात आली.
माहिती मिळताच पोलीस निरीक्षक आशिषकुमार अडसूळ हे पथकासह घटनास्थळी पोहचले. दरोडेखोर बोहर्डी गावाच्या दिशेने पसार झाल्याची माहिती मिळताच पोलिस पथक त्या दिशेने रवाना झाले आहे.
Web Summary : Minister Raksha Khadse's petrol pump in Muktainagar was robbed. Five individuals assaulted two employees, stealing approximately ₹1 lakh. The robbers damaged computers, printers, CCTV, and other electronic equipment before fleeing towards Bohardi village. Police are investigating the incident.
Web Summary : मंत्री रक्षा खडसे के मुक्ताईनगर स्थित पेट्रोल पंप पर डकैती हुई। पांच लोगों ने दो कर्मचारियों पर हमला किया और लगभग ₹1 लाख लूट लिए। लुटेरों ने भागने से पहले कंप्यूटर, प्रिंटर, सीसीटीवी और अन्य इलेक्ट्रॉनिक उपकरणों को क्षतिग्रस्त कर दिया। पुलिस मामले की जांच कर रही है।