सोन्याची दरवाढ सुरूच; आज पुन्हा तोळ्यामागे ११ हजार रुपयांनी महागले

जळगावच्या सराफ बाजारात सोने प्रति तोळा एक लाख ७६ हजार रुपयांवर

Jalgaon Gold Rate: सोने आणि चांदीच्या दरात सातत्याने वाढ होत आहे. आज सोने पुन्हा एकदा महागले आहे. सोने तोळ्यामागे ११ हजार रुपयांनी वधारले आहे. सोन्याचे दर प्रति तोळा एक लाख ७६ हजार रुपये इतके झाले आहेत तर चांदी प्रति किलो ३ लाख ८० हजार रुपयांवर पोहोचली आहे. डॉलर वधारलाय तसेच इराण व अमेरिकेत सुरू असलेल्या तणावामुळे सोन्याचे दर वाढले आहेत. औद्योगिक वापरासाठी चांदी मोठ्या प्रमाणात वापरली जात आहे. त्यामुळे चांदीला चकाकी आली आहे. जोपर्यंत औद्योगिक वापरात चांदीला पर्याय मिळत नाही, तोपर्यंत चांदीचे दर वाढतील असे सराफ व्यावसायिक आकाश भंगाळे यांनी सांगितले.