जळगाव : कवयित्री बहिणाबाई चौधरी उत्तर महाराष्ट्र विद्यापीठात १ ते १० ऑक्टोबर या कालावधीत प्रजासत्ताक दिन पूर्व निवड सराव शिबिराचे आयोजन करण्यात येणार असून, यात सात राज्यांमधील २०० विद्यार्थी सहभागी होणार आहेत.
विद्यापीठाचे प्रभारी कुलगुरू प्रा.ई.वायुनंदन यांच्या अध्यक्षतेखाली राष्ट्रीय सेवा योजनेच्या विद्यापीठ सल्लागार समितीची सभा नुकतीच झाली. या बैठकीत विविध विषयांवर चर्चा झाली. प्रजासत्ताक दिन संचलन पूर्व निवड सराव शिबिर ऑक्टोबर महिन्यात घेण्यात येणार असून, कोरोनाच्या सर्व निर्बंधांचे पालन करून हे शिबिर घेतले जाईल. या शिबिरासाठी पूर्ण सहकार्य करण्याची ग्वाही प्रा.ई. वायुनंदन यांनी या बैठकीत दिली. महाराष्ट्र, गोवा, गुजरात, आंध्रप्रदेश, तेलंगणा, दमण, नगर हवेली येथून १०० विद्यार्थी व १०० विद्यार्थ्यांनी असे एकूण २०० विद्यार्थी आणि १० कार्यक्रम अधिकारी शिबिरात सहभागी होणार आहेत.
यांची होती उपस्थिती.
या बैठकीत राष्ट्रीय सेवा योजनेच्या महाविद्यालय एककांनी राबविलेल्या उपक्रमांची नोंद घेऊन कौतुक करण्यात आले. कवयित्री बहिणाबाई ग्राम वाचन कट्टासंदर्भात चर्चा झाली. सल्लागार समितीच्या सदस्यांनी अधिक बळकटी देण्यासाठी उपक्रम राबविण्याबाबत सूचना केल्या. या बैठकीस रासेयोचे प्रादेशिक संचालक डी.कार्तिकेयन, रासेयो प्रशिक्षण केंद्र, अहमदनगरचे समन्वयक डॉ. शरद बोरूडे, युवा अधिकारी अजय शिंदे, मंत्रालयातील रासेयोचे वित्त अधिकारी मंगेश खैरनार, उपजिल्हाधिकारी राहूल पाटील, सल्लागार समितीचे सदस्य प्रा. शंकरसिंग राजपूत, प्राचार्य डॉ. पी.एच.पवार, प्राचार्य डॉ.एस.आर. जाधव, प्राचार्य डॉ.जे.बी.अंजने, प्राचार्य डॉ.एच.एम.पाटील, विलास पाटील, दिव्या साळवे, प्रशांत कसबे, डॉ.अनिल बारी, चिंतामण पाटील, भानुदास येवलेकर, निखिलकुमार वायकोळे, प्रभारी वित्त लेखा अधिकारी डॉ. मधुलिका सोनवणे, जिल्हा समन्वयक डॉ. मनीष करंजे, डॉ. सचिन नांद्रे, डॉ. विजय पाटील आदी उपस्थित होते. रासेयोचे संचालक डॉ. पंकजकुमार नन्नवरे यांनी प्रास्ताविकात बैठकीची रूपरेषा सांगितली. सचिन नांद्रे यांनी आभार मानले.