{{#config.logo.enabled}}
{{/allowed}}पाचोरा : तालुक्यातील खेडगाव (नंदीचे) येथील संघवी हायस्कूलमधील ओल्या पार्टीप्रकरणी 'त्या' शिक्षकांवर कारवाईबाबत ३0 रोजी निर्णय होण्याची शक्यता आहे. शिक्षणाधिकारी व संस्था चेअरमन यांनीही कठोर कारवाईचे संकेत दिले आहे.
या शाळेतील शिक्षक व शिक्षकेतर अशा १५ जणांनी विद्यार्थ्यांकडून दाखल्यापोटी प्रत्येकी १00 रुपये घेऊन त्या पैशाने शाळेतच दारू व मटणाची पार्टी केली होती. २७ रोजी रात्री हा प्रकार घडला होता. यामुळे संतप्त ग्रामस्थांनी २८ रोजी शाळेला कुलूूप ठोकत कडक कारवाईची मागणी केली होती.
दरम्यान, माध्यमिक शिक्षणाधिकारी शशिकांत हिंगोणेकर यांच्यासह शिक्षण विभागाच्या पथकाने पंचनामा केला. संबंधित दोषींवर कठोर कारवाई केली जाईल, असे त्यांनी सांगत या प्रकाराचा संपूर्ण अहवाल शिक्षण विभाग हा पाचोरा तालुका शिक्षण संस्थेला पाठवणार आहे आणि नंतर संस्थेमार्फत कर्मचार्यांवर कारवाई केली जाईल, असेही हिंगोणेकर यांनी स्पष्ट केले.
दरम्यान, पीटीसी संस्था चेअरमन संजय वाघ यांनी सांगितले की, संबंधित शिक्षक व कर्मचार्यांवर कठोर कारवाई केली जाईलच.
विद्यार्थ्यांना शाळेत पाठवा, संबंधित शिक्षकांना शिकवण्यास मज्जाव करा, असे शिक्षण विभागातर्फे ग्रामस्थांना सांगण्यात आल्याचे सरपंच ढमाले यांनी 'लोकमत'ला सांगितले. (वार्ताहर)