धुळे : राज्यासह जिल्ह्यात माध्यमिक व उच्च माध्यमिक शिक्षक क्षेत्र संघटना समन्वय समितीने मंगळवारी पुकारलेले एकदिवसीय 'शाळा बंद' आंदोलन यशस्वी झाल्याचा दावा शिक्षक संघटनेने केला. शहरातील ८0 आणि जिल्ह्यातील ४४0 शाळा बंद राहिल्याची माहिती शिक्षक संघटनेच्या पदाधिकार्यांनी दिली. तसेच जिल्हाधिकारी कार्यालयासमोर धरणे आंदोलन करून प्रशासनाला निवेदन सादर करण्यात आले.
{{#config.logo.enabled}}
{{/allowed}}शासनाने माध्यमिक व उच्च माध्यमिक शाळांचे संस्थाचालक व कर्मचारीविरोधी धोरण अवलंबिले आहे. त्याविरोधात शाळा बंद आंदोलन करण्यात आल्याची माहिती संघटनेच्या पदाधिकार्यांनी आंदोलनादरम्यान दिली.
जिल्हाधिकारी कार्यालयासमोर आंदोलन केल्यानंतर निवासी उपजिल्हाधिकारी तुकाराम हुलवळे यांना निवेदन सादर करण्यात आले. निवेदनाद्वारे, २३ ऑक्टोबर २0१३ चा शासन आदेश रद्द करून चिपळूणकर समितीप्रमाणे शिक्षकेतर कर्मचार्यांची पदे मंजूर करण्यात यावी, माध्यमिक व उच्च माध्यमिक शाळांचे सन २00४ पासून बंद केलेले अनुदान सहाव्या वेतन आयोगावर सुरू करावे व थकबाकीसह विनाविलंब देण्यात यावे, शिक्षण क्षेत्रातील विनाअनुदान धोरण रद्द करावे, २0 नोव्हेंबर २0१३ चा तुकड्यांचा सुधारित आदेश रद्द करून पूर्वीप्रमाणेच तुकड्यांना मान्यता द्यावी, आरटीईकायद्यानुसार शिक्षकांच्या वाढीव पदांसह अंमलबजावणी व्हावी व कला-क्रीडा शिक्षकांवर होणारा अन्याय दूर करावा, राज्यातील प्राथमिक, माध्यमिक व कनिष्ठ महविद्यालयातील अनुदानास निकषप्राप्त तुकड्यांना त्वरित अनुदान द्यावे, शालार्थप्रणालीच्या अंमलबजावणीतील त्रुटींमुळे शिक्षकांचे व कर्मचार्यांचे वेतन दरमहा नियमित होत नाही. कोणत्याही परिस्थितीतील वेतन नियमितपणे १ तारखेस होण्यासंबंधीचे आदेश देण्यात यावे व विनाअनुदानित तुकड्यांवरील विद्यार्थी संख्या सर्वबाबींसाठी ग्राह्य धरण्यात यावी आदी मागण्या करण्यात आल्या. आंदोलनाला १३ संस्थाचालक, शिक्षक व शिक्षकेतर कर्मचारी संघटनांचा प्रतिसाद मिळाला. आंदोलनात जे.यू. ठाकरे, वि.मा. भामरे, वाल्मीक दामोदर, अँड.आय.जी. पाटील, एच.बी. पाटील, निशांत रंधे, संजय पवार, मंगलसिंग गिरासे, सुधीर जाधव, एस.बी. सूर्यवंशी, विजय बोरसे, के.बी. नांद्रे, महेश मुळे, लालाजी नांद, लोटन मोरे, डी.टी. पाटील, वाय.यू. कढरे, डी.बी. साळुंखे, विलास पाटील, देवानंद ठाकूर, आनंद पवार यांच्यासह संस्थाचालक, मुख्याध्यापक, शिक्षक व शिक्षकेतर कर्मचारी सहभागी झाले. शिक्षक संघटनेने पुकारलेल्या शाळा बंद आंदोलनाला कनिष्ठ महाविद्यालय संघटनेनेही पाठिंबा जाहीर केला होता. त्यामुळे अजमेरा फार्मसी महाविद्यालयासह अन्य काही महाविद्यालयेही सहभागी झाल्याचे दिसून आले.