जामनेर: पावसाळा काही दिवसावर येऊन ठेपला असून शहरातील नाले, मोठमोठ्या गटारींच्या साफसफाई मोहिमेसाठी नगरपालिकेने पुढाकार घेत कामाला सुरुवात केली आहे. नगराध्यक्षा साधना महाजन, मुख्याधिकारी राहुल पाटील, उपनगराध्यक्ष प्रा. शरद पाटीलसह आदी नगरसेवक यांनी स्वत: अधिकाऱ्यांसमवेत विविध भागात पाहणी करून सफाई कर्मचाऱ्यांना सूचना केली.
यावेळी आरोग्य विभागाचे दत्तू जोहरेसह अन्य कर्मचारी उपस्थित होते. शहरातील वाकी रोड, पाचोरा रोड, भुसावळ रोड, जळगाव रोड, बोदवड रोड, बिस्मिल्लानगर, गलाटी नाला, घरकुल परिसर, बसस्टेशन आदी भागांमधील मोठी नाले व गटारीमध्ये पावसाळ्याच्या दिवसात साचलेल्या कचऱ्यामुळे पुढे पाणी जाण्यास अडचण निर्माण होते. त्यामुळे नगरपालिका प्रशासनाने नाले व गटारींच्या सफाईसाठी कर्मचाऱ्यांच्या व जेसीबीच्या साह्याने कचरा, जमलेला गाळ काढण्याचे काम युद्धपातळीवर सुरू करण्यात आले.
२७सीडीजे ८