आधार कार्डमध्ये झालेली चूक दुरुस्त करणे, नावात बदल करणे यांसह आधार अपडेट करणे आदी कामांसाठी शासनाच्या वतीने तब्बल ८० ठिकाणी आधार केंद्रे सुरू करण्यात आली आहेत. ही केंद्र बॅंक, पोस्ट ऑफिस, शासकीय कार्यालय परिसरात आहे. नागरिकांना तातडीने आधार अपडेट करता यावे, यासाठी शासनाने जास्तीत-जास्त आधार केंद्रे सुरू केली आहेत. असे असतानाही आधार अपडेट किंवा काही दुरूस्ती करण्यासाठी तब्बल दोन ते अडीच तासांचा कालावधी लागत आहे. त्यामुळे नागरिकांतून संताप व्यक्त केला जात आहे. याकडे लक्ष देण्याची मागणी होत आहे.
का करावे लागते आधार नूतनीकरण
केंद्र शासनाने सर्वच गोष्टींसाठी आधार कार्ड सक्तीचे केले आहे. आधार कार्डवर असलेले फिंगर व इतर बाबींसाठी आधार अपडेट होणे गरजेचे आहे. यासाठीच आधार अपडेट करावे लागते.
माझे आधार कार्डवरील नाव बदलायचे आहे. यासाठी मी मागील दीड ते दोन तासांपासून उभा आहे. तरीदेखील आधार कार्डवरील दुरुस्ती झालेली नाही. याकडे लक्ष देण्याची गरज आहे.
निकिता शेवाळे, जालना
मला आधार कार्ड अपडेट करायचे आहे. यासाठी मी दोन दिवसांपासून चकरा मारत आहे. परंतु, अद्यापही माझे आधार कार्ड अपडेट झाले नाही. याकडे लक्ष देण्याची गरज आहे.
सागर शेेंडगे, जालना