भोकरदन-जालना रस्त्यावर दुचाकी-ट्रकचा अपघात, दोघे जागीच ठार, तर अन्य एक जखमी

By ऑनलाइन लोकमत | Updated: November 30, 2025 19:41 IST2025-11-30T19:40:50+5:302025-11-30T19:41:13+5:30

रस्त्यावर रक्ताचा सडा!

Two killed on the spot, one injured in two-wheeler-truck accident on Bhokardan-Jalna road | भोकरदन-जालना रस्त्यावर दुचाकी-ट्रकचा अपघात, दोघे जागीच ठार, तर अन्य एक जखमी

भोकरदन-जालना रस्त्यावर दुचाकी-ट्रकचा अपघात, दोघे जागीच ठार, तर अन्य एक जखमी

केदारखेडा : ओव्हरटेकच्या नादात दुचाकी व ट्रकमध्ये समोरासमोर जोराची धडक झाली. यात दुचाकीवरील दोघांचा जागीच मृत्यू झाला तर, तिसरा गंभीर जखमी आहे. हा भीषण अपघात रविवारी दुपारी ४:३० वाजता भोकरदन ते जालना रोडवरील प्रकाश गड हॉटेलसमोर झाला. दुचाकीवरील सुरज संजय राऊत (वय १७) व आयुष सतीश पवार (वय १५) अशी जागीच ठार झालेल्याची नावे आहे. तर अभय बारवकर (तिघेही रा. राजुर) असे गंभीर जखमीचे नाव असून, त्याला उपचारासाठी भोकरदन ग्रामीण रुग्णालयात दाखल करण्यात आले.

भोकरदनवरून राजूरकडे दुचाकी (एमएच-२८-एयू-६६१८) वरून येत असताना समोरील वाहनाला दुचाकीस्वाराने ओव्हरटेक करताना समोरून जालन्याकडून भोकरदनकडे जाणाऱ्या ट्रक (एमएच-२१-एक्स-६२९९) ची समोरासमोर जोराची धडक झाली. यात दुचाकीवरील दोघांचा जागीच मृत्यू झाला तर अन्य एक गंभीर जखमी झाला आहे. यावेळी रस्त्यावर मोठ्या प्रमाणात रक्ताचा सडा पडला होता. 

दरम्यान, परिसरातील शेतकऱ्यांनी तत्काळ पोलिसांना फोन करून माहिती दिली. त्यानंतर पोलिस निरीक्षक किरण बिडवे यांच्या मार्गदर्शनाखाली पोलिस उपनिरीक्षक सागर शिंदे, पोलिस कॉन्सटेबल शिवाजी जाधव, हसनाबाद पोलिस ठाण्याचे राठोड यांनी घटनास्थळी धाव घेत जखमीला केदारखेडा आरोग्य केंद्राची रुग्णवाहिकेमार्फत भोकरदन ग्रामीण रुग्णालयात हलविले. तर अपघातील दोघांना राजूर येथील ग्रामीण रुग्णालयात दाखल केले असता, दोघांचाही मृत्यू झाला आहे.

सोमवारी सकाळी श्वविच्छेदन करुन मृतदेह नातेवाईकांच्या ताब्यात देणार असल्याची माहिती राजूर येथील वैद्यकीय अधिकारी डॉ. सतीश कावळे, मेडिकल ऑफिसर डॉ. राजू राठोड यांनी दिली. या अपघातील ट्रकमालक फिरोज खान (रा. जालना), तर चालक विलास अर्दाड (रा. बीड) असून, अपघातील दुचाकी नितीन खेत्रे (रा. देऊळगाव, ता. मेहकर) यांच्या मालकीची असल्याची माहिती पोलिसांनी दिली.

Web Title : भोकरदन-जालना मार्ग दुर्घटना: दो की मौत, एक घायल

Web Summary : भोकरदन के पास मोटरसाइकिल और ट्रक की टक्कर में दो युवकों की मौत हो गई, एक गंभीर रूप से घायल। ओवरटेक करते समय हादसा हुआ; पुलिस जांच कर रही है।

Web Title : Bhokardan-Jalna Road Accident: Two Killed, One Injured in Crash

Web Summary : Two young men died and another was seriously injured in a collision between a motorcycle and a truck near Bhokardan. The accident occurred while overtaking; police are investigating.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

टॅग्स :Accidentअपघात