महिलेची पर्स चोरीला

गुरु गणेश भवन येथे जप करत असताना बैंगलोर येथील एका महिलेचे पर्स कोणीही तरी चोरुन नेल्याची घटना शुक्रवारी सायंकाळी घडली.

लोकमत न्यूज नेटवर्क
जालना : शहरातील गुरु गणेश भवन येथे जप करत असताना बैंगलोर येथील एका महिलेचे पर्स कोणीही तरी चोरुन नेल्याची घटना शुक्रवारी सायंकाळी सात वाजता घडली. या पर्समध्ये असलेली रोख रक्कम व सोन्या- चांदीचे दागिने असा २ लाख ११ हजार रुपये लंपास केले.
याप्रकरणी फिर्यादी मंसूदेवी सुरेश शिंगवी (रा. बैंगलोर) यांच्या फिर्यादीवरुन शनिवारी रात्री उशीरा सदर बाजार पोलीस ठाण्यात गुन्हा दाखल करण्यात आला. मंसूदेवी या येथील गुरु गणेश भवन येथे शुक्रवारी सायंकाळी जप करीत होत्या. त्या जप करत असताना कोणीही तरी अज्ञात महिलेने त्यांच्या जवळील पर्स उचलून नेले. दरम्यान, पुढील तपास मेथले हे करीत आहेत.
युवकाची आत्महत्या
भोकरदन : शहरातील उस्मानपेठ येथील एका युवकाने शुक्रवारी रात्री गळफास घेऊन आत्महत्या केली. मांगीलाल बाबूलाल आकसे (३५) असे आत्महत्या करणाऱ्या युवकाचे नाव आहे. याप्रकरणी भोकरदन पोलीस ठाण्यात अकस्मात मृत्यूची नोंद करण्यात आली. या प्रकरणाचा तपास जमादार डीजे शिंदे हे करीत आहेत.•आत्महत्येचे कारण अद्याप कळू शकले नाही.