अमेरिका मध्य पूर्वेत १ हजार सैनिक उतरवणार, UNचे प्रमुख म्हणाले, 'हे युद्ध जगाला कवेत घेत आहे'

इराणसोबतचे युद्ध थांबवण्यासाठी हालचाली करत असतानाच अमेरिका एक हजार सैनिक मध्य पूर्वेत उतरवणार असल्याची माहिती समोर आली आहे. 

अमेरिका आपल्या लष्करातील ८२वी एअरबोर्न तुकडीतील तब्बल १ हजार सैनिक आगामी काळात मध्य पूर्वेत उतरवण्याची शक्यता आहे. 'सीएनएन'ने आपल्या रिपोर्टमध्ये म्हटले आहे. ८२वी एअरबोर्न ही अमेरिकन लष्कराची विशेष तुकडी आहे. नॉर्थ कॅरोलविनातील तळावर असणारी ही तुकडी १८ तासांच्या आत जगाच्या कोणत्याही कोपऱ्यात पोहोचू शकते. 

शीघ्र कृती दल म्हणूनच एअरबोर्न बटालियन ओळखली जाते. या एका बटालियनमध्ये ४००० सैनिक असलेल्या तीन तुकड्या असतात. एक एव्हिएशन ब्रिगेड (यात हल्ला, वाहतूक आणि कॉर्गो हेलिकॉप्टर यांचा समावेश असतो.) एक दारुगोळा तुकडी आणि लॉजिस्टिक, मुख्यालय तुकडीचा समावेश असतो.    

"युद्ध संपूर्ण जगाला कवेत घेत आहे"

संयुक्त राष्ट्र संघाच्या मानवाधिकार संघटनेचे प्रमुख वॉल्कर तुर्किए यांनी या युद्धाबद्दल इशारा दिला आहे. "सध्या सुरू असलेल्या युद्धाने भयंकर आणि अनिश्चित परिस्थिती निर्माण केली आहे. हे युद्ध इतके गंभीर आहे की, ते संपूर्ण जगाला आपल्या कवेत घेऊ शकते."

"जो आमच्याविरोधात त्याच्यासाठी होर्मुझ बंद"

दरम्यान, इराणने होर्मुझ सामुद्रधुनीबद्दल भूमिका मांडली आहे. "जे आमच्याविरोधात नाही, त्यांना होर्मुझ सामुद्रधुनीत जाण्याची परवानगी दिली जाऊ शकते. आपल्या उच्चायुक्तालयाच्या माध्यमातून असे जहाज सुरक्षित रस्त्याचा वापर करू शकतात. जो इराणविरोधातील कोणत्याही गोष्टींमध्ये सहभागी नाहीत आणि इराणच्या नियमांचं पालन करत आहेत."

इराणने होर्मुझ सामुद्रधुनीबद्दल ही भूमिका मांडली असली, तरी प्रत्यक्षात स्थिती मात्र वेगळी आहे. दरदिवशी १२० जहाजे होर्मुझ मार्गे जात होती. आता ही संख्या कमी होऊन दिवसाला ४-५ जहाजेच होर्मुझ पार करू शकत आहेत. म्हणजे या जलमार्गाने होणारा व्यापार जवळपास ठप्प झाला आहे.