दक्षिण इराणमधील डोंगराळ भागात अमेरिकेची लष्करी विमाने आणि हेलिकॉप्टर्स घिरट्या घालताना दिसली. त्याचे व्हिडीओही समोर आले आहे. इराणने अमेरिकेचे एफ-१५ स्ट्राइक इगल हे लढाऊ विमान पाडल्यानंतर अमेरिकन लष्कराची विमाने दिसली. एफ-१५ विमानाच्या पायलटचा शोध घेण्यासाठी ही विमाने आणि हेलिकॉप्टर घिरट्या घालत होती, अशी माहिती इराणकडून दिली गेली आहे.
इराणने अमेरिकेचे एफ-१५ स्ट्राइक इगल हे लढाऊ विमान पाडले. या घटनेत विमानाचा पायलट बचावला आहे. विमान कोसळण्यापूर्वी पायलटने बाहेर पडला. पायलटचा शोध घेण्यासाठी अमेरिकेच्या लष्कराने मोहीम सुरू केली आहे.
अमेरिकेच्या हवाई दलाचे HC-१३०J हे शोध आणि मदत मोहिमेसाठीचे विमान आणि हेलिकॉप्टर्स विमान पडलेल्या भागात पायलटचा शोध घेत आहेत.
इराणमधील सूत्रांनी दावा केला आहे की, पायलटच्या शोधासाठीच विमान कमी उंचीवर घिरट्या घालत आहे. याचेही व्हिडीओ इराणी माध्यमांकडून शेअर करण्यात आले आहेत.
एकीकडे डोनाल्ट ट्रम्प यांच्याकडून इराणवर आणखी हल्ले करण्याचा इशारा दिला जात असताना अमेरिकेने दुसरे एफ-१५ लढाऊ विमान गमावले आहे. या विमानाबद्दल काही वेगळी माहितीही समोर आली आहे. इराणने सुरुवातीला हे विमान F-35 असल्याचे म्हटले होते, परंतु सोशल मीडियावर आलेल्या अपघातग्रस्त विमानाच्या फोटोंवरून ते F-15E Strike Eagle असल्याचे तज्ज्ञांनी सांगितले.
Web Summary : After Iran shot down an F-15, US military aircraft and helicopters were seen flying at low altitudes in southern Iran's mountainous region, reportedly searching for the pilot. The pilot ejected before the crash, prompting a US search and rescue mission.
Web Summary : ईरान द्वारा एक एफ-15 को मार गिराए जाने के बाद, अमेरिकी सैन्य विमान और हेलीकॉप्टर दक्षिणी ईरान के पहाड़ी क्षेत्र में कम ऊंचाई पर उड़ान भरते देखे गए, कथित तौर पर पायलट की तलाश कर रहे थे। विमान दुर्घटनाग्रस्त होने से पहले पायलट बाहर निकल गया, जिसके बाद अमेरिका ने खोज और बचाव अभियान शुरू किया।