मध्य पूर्वेतील युद्ध भीषण वळणावर असताना अमेरिकेचे राष्ट्राध्यक्ष डोनाल्ड ट्रम्प यांनी इराणच्या सत्ताधारी वर्गावर निशाणा साधला आहे. "इराणमधील परिस्थिती इतकी बिकट झाली आहे की, आता तिथे कोणालाही देशाचे सर्वोच्च पद (अध्यक्षपद) नको आहे," असा दावा ट्रम्प यांनी केला आहे. अमेरिकेच्या संभाव्य लष्करी कारवाईमुळे इराणचे नेते आपला जीव वाचवण्यासाठी धडपडत असल्याचे संकेत त्यांनी दिले आहेत.
ट्रम्प यांच्या मते, इराणच्या नेत्यांना भीती वाटत आहे की, जर त्यांनी सत्ता हाती घेतली किंवा अमेरिकेच्या विरोधात भूमिका घेतली, तर त्यांना अमेरिकन लष्कराकडून लक्ष्य केले जाऊ शकते. इराण अण्वस्त्रे विकसित करण्याचा प्रयत्न करत असल्याचा आरोप अमेरिकेने वारंवार केला आहे. ट्रम्प यांनी स्पष्ट केले की, इराणला अण्वस्त्रधारी देश होऊ न देणे हे अमेरिकेचे सर्वोच्च प्राधान्य आहे. इराणमध्ये सध्या सत्तेसाठी कोणीही पुढे येण्यास तयार नाही, कारण सर्वांना 'पश्चिम आशियातील युद्धाचे' भयंकर परिणाम भोगावे लागतील, अशी भीती वाटत आहे.
युद्धाची पार्श्वभूमीगेल्या काही दिवसांपासून इराणच्या तेल केंद्रांवर आणि लष्करी तळांवर अमेरिकेने हवाई हल्ले केले आहेत. विशेषतः 'खर्ग बेटावर' ताबा मिळवण्याच्या अमेरिकन हालचालींमुळे इराणचे नेतृत्व बॅकफूटवर गेल्याचे चित्र निर्माण झाले आहे. ट्रम्प यांच्या या विधानामुळे इराणमधील अंतर्गत अस्थिरता जगासमोर आली आहे.
अमेरिकन संरक्षण विभागाच्या एका वरिष्ठ अधिकाऱ्याने दिलेल्या माहितीनुसार, अमेरिका या भागात आणखी २,५०० अतिरिक्त सैनिक तैनात करणार आहे. या तुकडीमध्ये केवळ सामान्य सैनिकच नव्हे, तर अत्यंत प्रशिक्षित अशा '८२ व्या एअरबोर्न डिव्हिजन'च्या पहिल्या कॉम्बॅट ब्रिगेडच्या कमांडरचा आणि लॉजिस्टिक सपोर्ट युनिट्सचा समावेश आहे. या सैनिकांची मुख्य जबाबदारी युद्धभूमीवर रसद पुरवणे आणि आपत्कालीन परिस्थितीत तातडीने कारवाई करणे ही असेल.
तैनातीमागची मुख्य कारणे:१. इराणला इशारा: इराणने 'खर्ग बेटा'भोवती लावलेले सुरुंग आणि अमेरिकन ताबा रोखण्यासाठी केलेली तयारी पाहता, अमेरिकेने आपली आक्रमक पवित्रा अधिक स्पष्ट केला आहे.२. इस्रायलचे संरक्षण: इस्रायलवर इराणकडून होणाऱ्या संभाव्य हल्ल्यांना रोखण्यासाठी ही कुमक पाठवण्यात आली आहे.३. इंधन सुरक्षा: होरमुझची सामुद्रधुनी आणि लाल समुद्रातील व्यापारी जहाजांच्या संरक्षणासाठी अतिरिक्त सैनिकांची मदत घेतली जाणार आहे.
Web Summary : Trump claims no one in Iran wants to be president due to fear of US retaliation. Increased US military presence aims to deter Iran, protect Israel, and secure vital waterways amidst rising tensions.
Web Summary : ट्रम्प का दावा है कि अमेरिकी जवाबी कार्रवाई के डर से ईरान में कोई भी राष्ट्रपति नहीं बनना चाहता। बढ़ते तनाव के बीच, अमेरिका की बढ़ी हुई सैन्य उपस्थिति का उद्देश्य ईरान को रोकना, इज़राइल की रक्षा करना और महत्वपूर्ण जलमार्गों को सुरक्षित करना है।