अमेरिकेचे राष्ट्राध्यक्ष डोनाल्ड ट्रम्प यांनी इराणसोबत सुरू असलेले युद्ध अधिक लांबवण्यास स्पष्ट नकार दिला आहे. येत्या काही आठवड्यांतच हे युद्ध संपवण्याचे लक्ष्य त्यांनी आपल्या सल्लागारांना दिले असून, मे महिन्याच्या मध्यावर होणाऱ्या चीन आणि शी जिनपिंग यांच्या भेटीपूर्वी इराणचा प्रश्न निकालात काढण्याचे त्यांचे नियोजन आहे.
'वॉल स्ट्रीट जर्नल'च्या वृत्तानुसार, ट्रम्प यांनी ४ ते ६ आठवड्यांची कालमर्यादा निश्चित केली आहे. मे महिन्यात बीजिंगमध्ये होणाऱ्या शिखर परिषदेपूर्वी मध्यपूर्वेतील तणाव निवळल्यास ट्रम्प यांना जागतिक स्तरावर आपली प्रतिमा अधिक मजबूत करता येईल, असा व्हाईट हाऊसचा अंदाज आहे.
ट्रम्प यांनी आपल्या सल्लागारांसमोर एक प्रस्ताव ठेवला आहे, ज्यानुसार शांतता कराराच्या बदल्यात अमेरिका इराणच्या तेल साठ्यांपर्यंत थेट पोहोच मिळवू शकते. मात्र, यावर अद्याप कोणतीही अधिकृत योजना तयार झालेली नाही. ट्रम्प यांना युद्धापेक्षा आता देशांतर्गत मुद्द्यांवर, जसे की मध्यावधी निवडणुका, इमिग्रेशन आणि मतदार पात्रता कायदे, यावर लक्ष केंद्रित करायचे आहे.
वाढती जीवितहानी आणि राजकीय दबावयुद्ध लांबल्यास अमेरिकन सैनिकांच्या मृत्यूचा आकडा वाढू शकतो, ही ट्रम्प यांची मुख्य चिंता आहे. आतापर्यंत या युद्धात १३ अमेरिकन सैनिकांचा मृत्यू झाला असून ३०० हून अधिक जखमी झाले आहेत. तसेच, युद्धामुळे वाढलेली महागाई आणि फ्लोरिडासारख्या महत्त्वाच्या ठिकाणी रिपब्लिकन पार्टीचा झालेला पराभव यामुळे ट्रम्प यांच्यावर राजकीय दबाव वाढत आहे.
लष्करी कारवाईचा इशाराएककीकडे कूटनीतिक चर्चा सुरू असली, तरी व्हाईट हाऊसच्या प्रेस सचिव कॅरोलिन लेविट यांनी इशारा दिला आहे की, जर इराण करारासाठी पुढे आला नाही, तर अमेरिका आतापर्यंतचा सर्वात भीषण हल्ला करण्यास मागेपुढे पाहणार नाही.
Web Summary : Trump aims to end the Iran conflict before meeting China's Xi. He seeks a deal, possibly for oil access, prioritizing domestic issues amidst rising casualties and political pressure. Military action remains an option.
Web Summary : ट्रम्प चीन के शी से मिलने से पहले ईरान संघर्ष खत्म करना चाहते हैं। वे शांति समझौते की उम्मीद करते हैं, जिसमें तेल पहुंच शामिल हो सकती है। बढ़ते नुकसान और राजनीतिक दबाव के बीच घरेलू मुद्दों को प्राथमिकता दे रहे हैं। सैन्य कार्रवाई भी विकल्प है।