महायुद्धाचे संकेत? 'या' २१ देशात प्रवास करू नका; अमेरिकन नागरिकांसाठी Travel Advisory जारी

अमेरिकेने लेव्हल १ ते ४ एडवाइजरी केली जारी, लेव्हल ४ मध्ये ज्या देशांचा समावेश, तिथे अजिबात प्रवास करू नका असा सल्ला

वॉश्गिंटन - व्हेनेझुएलावर अमेरिकेने हल्ला करून तेथील राष्ट्रपती निकोलस मादुरो यांना अटक केली आहे. अमेरिकेच्या या कारवाईमुळे जगभरात खळबळ माजली आहे. व्हेनेझुएलानंतर आता पुढचे लक्ष ग्रीनलँड असल्याचे डोनाल्ड ट्रम्प यांनी म्हटलं. मात्र त्यावर युरोपातील ७ देशांनी पुढाकार घेत ग्रीनलँडवरील ट्रम्प यांच्या घोषणेचा निषेध केला. त्यातच आता गुरुवारी अमेरिकेने त्यांच्या नागरिकांना ट्रॅव्हल एडवाइजरी जारी केली आहे. त्यात २१ देशांमध्ये प्रवास न करण्याचा सल्ला अमेरिकन नागरिकांना देण्यात आला आहे.

अमेरिकेने जारी केलेल्या या देशांच्या यादीत रशिया, युक्रेन, लीबिया, बुर्किना फासो यासारख्या देशांचा समावेश आहे. मात्र या यादीत भारत पाकिस्तानचा उल्लेख नाही. अमेरिकेच्या परराष्ट्र दूतावास व्यवहार विभागाने गुरुवारी सोशल मीडिया प्लॅटफॉर्म X वर एका पोस्टमध्ये ट्रॅव्हल एडवाइजरी जारी केली. त्यात अमेरिकेच्या परराष्ट्र विभागाने म्हटले आहे की,  आम्ही लेव्हल १ ते ४ सह अमेरिकन नागरिकांसाठी प्रवासासाठी मार्गदर्शक सूचना जारी करत आहोत. लेव्हल ४ म्हणजे तिथे प्रवास करू नका असं म्हटलं आहे. 

आम्ही स्थानिक परिस्थिती आणि या देशांमधील अमेरिकन नागरिकांना मदत पुरवण्याच्या आमच्या मर्यादित क्षमतेनुसार लेव्हल ४ दिला आहे. ही ठिकाणे धोकादायक आहेत. कोणत्याही कारणास्तव तेथे प्रवास करणे टाळा असं अमेरिकेने नागरिकांना म्हटलं. 

'या' २१ देशांमध्ये प्रवास न करण्याचा सल्ला 

अफगाणिस्तान
बेलारूस
बुर्किना फासो
बर्मा
मध्य आफ्रिकन प्रजासत्ताक (CAR)
हैती
इराण
इराक
लेबनॉन
लिबिया
माली
नायजर
उत्तर कोरिया
रशिया
सोमालिया
दक्षिण सुदान
सुदान
सीरिया
युक्रेन
व्हेनेझुएला
येमेन 

We issue Travel Advisories with Levels 1 – 4. Level 4 means Do Not Travel. We assign Level 4 based on local conditions and/or our limited ability to help Americans there. These places are dangerous. Do not go for any reason.

The Travel Advisories for the following countries… pic.twitter.com/cDMJJKHcH2

— TravelGov (@TravelGov) January 8, 2026

रशियन नेत्याच्या अणुहल्ल्याच्या धमकीनंतर ट्रम्प प्रशासनानं उचललं पाऊल 

रशियाच्या अणुहल्ल्याच्या धमकीनंतर डोनाल्ड ट्रम्प प्रशासनाने हे पाऊल उचलले आहे. अमेरिकन सैन्याने अटलांटिक महासागरात रशियन ध्वज असलेला तेल टँकर मरीनेरा ताब्यात घेतला. ज्यामुळे दोन्ही देशांमध्ये संघर्ष निर्माण झाला. रशियाने अमेरिकेच्या या कृतीला चाचेगिरी म्हटले. या प्रकारानंतर रशियन राष्ट्राध्यक्ष व्लादिमीर पुतिन यांच्या पक्षाचे सदस्य आणि संरक्षण राज्य समितीचे उपाध्यक्ष अलेक्सी झुरावलेव्ह यांनी अमेरिकेला अणुहल्ल्यांची धमकी दिली.