युक्रेन युद्धादरम्यान रशियाने केली धोकादायक क्रूझ क्षेपणास्त्राची चाचणी, ‘स्टॉर्म शॅडो क्रूज’ ला रोखणे अशक्य

रशियाने नवीन अणुऊर्जेवर चालणाऱ्या क्रूझ क्षेपणास्त्र, बुरेव्हेस्टनिकची यशस्वी चाचणी केली आहे. एका उच्चपदस्थ रशियन लष्करी अधिकाऱ्याने राष्ट्राध्यक्ष व्लादिमीर पुतिन यांना या यशाची माहिती दिली.

मागील काही वर्षापासून रशिया आणि युक्रेनमध्ये युद्ध सुरू आहे. जगभरातील अनेक देशांनी हे युद्ध थांबवण्यासाठी प्रयत्न सुरू केले आहेत, पण अजूनही यश आलेले नाही.  दरम्यान, रशियाने त्यांच्या नवीन अणुऊर्जेवर चालणाऱ्या क्रूझ क्षेपणास्त्राची, "बुरेव्हेस्टनिक" ची यशस्वी चाचणी केली. एका उच्चपदस्थ रशियन लष्करी अधिकाऱ्याने राष्ट्रपती व्लादिमीर पुतिन यांना या यशाची माहिती दिली. अणुऊर्जेवर अवलंबून असलेल्या या क्षेपणास्त्राची श्रेणी अमर्याद आहे आणि त्यावर अणुबॉम्ब भरता येतात. 

Video: पाईपने स्वच्छ पाणी आणले, पीएम मोदींसाठी तयार केली खोटी यमुना; 'AAP' चा मोठा दावा

रशियन लष्कराच्या जनरल डायरेक्टरेटचे प्रमुख जनरल व्हॅलेरी गेरासिमोव्ह यांनी पुतिन यांना दिलेल्या माहितीमध्ये सांगितले की, हे क्षेपणास्त्र १४,००० किलोमीटर प्रवास करत होते आणि सुमारे १५ तास हवेत कार्यरत राहिले.

रशियाचे अध्यक्ष पुतिन यांच्या मते, NATO ने SSC-X-9 स्कायफॉल म्हणून नियुक्त केलेले 9M730 बुरेवेस्टनिक हे क्षेपणास्त्र संरक्षण प्रणाली सध्याच्या आणि भविष्यातील क्षेपणास्त्र संरक्षण प्रणालींविरुद्ध "अजिंक्य" आहे. त्याची श्रेणी जवळजवळ अमर्याद आहे. रविवारी आपल्या भाषणात, व्लादिमीर पुतिन यांनी गेरासिमोव्ह यांना क्षेपणास्त्रांच्या तैनातीपूर्वी अंतिम तयारी टप्प्यावर त्वरित काम सुरू करण्याचे आदेश दिले, कारण बुरेवेस्टनिकच्या मुख्य चाचण्या आता पूर्ण झाल्या आहेत.

बुरेवेस्टनिक म्हणजे काय?

बुरेवेस्टनिक हे एक उच्च दर्जाचे क्रूझ क्षेपणास्त्र आहे, हे पारंपारिक क्षेपणास्त्रांपेक्षा पूर्णपणे वेगळे आहे. सामान्य क्षेपणास्त्रे इंधन संपल्यावर थांबतात, पण हे अणुऊर्जेवर चालणारे आहे, यामुळे ते आठवडे किंवा महिने सतत उडू शकते. त्याच्या रशियन नावाचा अर्थ "स्टॉर्म पेट्रेल" आहे, ते धोक्याचे प्रतीक आहे, वादळाच्या आगमनाची पूर्वसूचना देणारा आहे. ते फक्त ५०-१०० मीटरच्या कमी उंचीवर उडते, यामुळे रडारद्वारे त्याचा मागोवा घेणे कठीण आहे.