मध्य-पूर्वेतील इराण-इस्रायल युद्धामुळे जगभरात ऊर्जा संकट गडद होत असताना, रशियानेपाकिस्तानला स्वस्त दराने कच्चे तेल देण्याची ऑफर दिली आहे. रशियानेपाकिस्तानला सवलतीच्या दरात कच्चे तेल पुरवठा करण्याची मोठी ऑफर दिली आहे. या निर्णयामुळे आर्थिक भारताला सवलतीच्या दराने कच्चे तेल पुरविण्यास नकार देणाऱ्या रशियाने डबलगेम खेळला आहे.
जागतिक बाजारपेठेत तेलाच्या किमती वाढत असताना, रशियाने पाकिस्तानला त्यांच्या बाजारापेक्षा कमी दरात तेल देण्याचे मान्य केले आहे. इराण आणि इस्रायलमधील संघर्षामुळे सौदी आणि इतर आखाती देशांकडून होणारा तेल पुरवठा विस्कळीत होण्याची भीती आहे. अशा वेळी रशियाचा हा पर्याय पाकिस्तानसाठी 'लाईफलाईन' ठरू शकतो. महत्त्वाचे म्हणजे, हा व्यवहार चिनी चलन 'युआन' किंवा इतर स्थानिक चलनात होण्याची शक्यता आहे, ज्यामुळे पाकिस्तानला डॉलरच्या टंचाईचा सामना करावा लागणार नाही.
राजकीय आणि आर्थिक महत्त्वपाकिस्तान सध्या गंभीर परकीय चलन तुटवड्याचा सामना करत आहे. रशियाकडून मिळणारे स्वस्त तेल केवळ इंधन स्वस्त करणार नाही, तर देशाची अर्थव्यवस्था सावरण्यासही मदत करेल. मात्र, या करारामुळे पाश्चिमात्य देश, विशेषतः अमेरिका, पाकिस्तानवर नाराज होण्याची शक्यताही वर्तवली जात आहे.
भारतासोबत डबलगेम...अमेरिकेच्या बडग्यानंतर भारताने रशियक कच्चे तेल खरेदी करणे बंद केले होते. परंतू, काही आठवड्यांतच अमेरिकेने इराणवर हल्ला करून जगाचे कच्चे तेल, एलपीजीचे वांदे केल्याने रशियाकडून तेल खरेदीस मंजुरी दिली होती. ही संधी रशियाने साधली आणि कच्च्या तेलाच्या वाढत्या किंमतींचा फायदा उठविण्यास सुरुवात केली. युक्रेनवर युद्ध लादल्याने अमेरिकेने रशियावर निर्बंध लादले होते. या अडचणीच्या काळात भारताने रशियाकडून तेल खरेदी सुरु केली होती. आता रशियाने भारताला सवलतीच्या दरात कच्चे तेल देण्यास नकार दिला होता. भारताकडे पर्याय नसल्याने रशियाकडून चढ्या दराने तेल खरेदी सुरु झाली नाही तोच रशियाने डबलगेम खेळला आहे. पाकिस्तानला सवलतीच्या दरात कच्चे तेल देण्याची तयारी सुरु केली आहे.
Web Summary : Amidst rising global energy concerns, Russia offers Pakistan cheap crude oil, a move seen as a double game against India. This deal, potentially in Yuan, aids Pakistan's economy but risks Western disapproval, especially from the US, while India faces higher oil prices.
Web Summary : वैश्विक ऊर्जा संकट के बीच, रूस ने पाकिस्तान को सस्ता कच्चा तेल देने की पेशकश की है, जिसे भारत के खिलाफ एक डबल गेम के रूप में देखा जा रहा है। यह सौदा, संभावित रूप से युआन में, पाकिस्तान की अर्थव्यवस्था में मदद करता है लेकिन पश्चिमी देशों, विशेष रूप से अमेरिका की अस्वीकृति का खतरा है, जबकि भारत को तेल की उच्च कीमतों का सामना करना पड़ रहा है।