रशियाचे राष्ट्राध्यक्ष व्लादिमीर पुतिन यांनी मॉस्कोमध्ये उद्योजकांशी संवाद साधताना मध्यपूर्वेतील युद्धावर चिंता व्यक्त केली आहे. "या युद्धाचे परिणाम किती खोलवर होतील, हे सांगणे सध्या कठीण आहे, मात्र काही अंदाजांनुसार याचा जागतिक परिणाम कोविड महामारीसारखाच असेल," असे पुतिन यांनी म्हटले आहे.
पुतिन यांच्या मते, ज्याप्रमाणे कोरोनाने सर्व खंडांमधील विकास ठप्प केला होता, तसेच हे युद्ध आंतरराष्ट्रीय लॉजिस्टिक, उत्पादन आणि पुरवठा साखळी उद्ध्वस्त करत आहे. या युद्धामुळे हायड्रोकार्बन (तेल-गॅस), धातू आणि विशेषतः खते निर्मिती करणाऱ्या कंपन्यांवर प्रचंड दबाव आला आहे. यामुळे भविष्यात अन्नाचा तुटवडा निर्माण होऊ शकतो.
पुतिन यांनी रशियन तेल कंपन्यांना इशारा दिला आहे की, सध्या कच्च्या तेलाचे दर वाढल्याने होणारा नफा हा तात्पुरता असू शकतो. त्यामुळे 'विंडफॉल प्रॉफिट' (अनपेक्षित नफा) पाहून सरकारी बजेटमध्ये मोठी वाढ करणे किंवा लाभांश उधळणे धोकादायक ठरू शकते.
आर्थिक 'पॅरालिसिस'ची भीतीरशियन तज्ज्ञांच्या मते, जर 'होरमुझची सामुद्रधुनी' दीर्घकाळ बंद राहिली, तर जागतिक अर्थव्यवस्थेला अर्धांगवायू होऊ शकतो, कारण आशिया आणि युरोपचा मोठा व्यापार याच मार्गावर अवलंबून आहे.
रशियाची भूमिकाएकीकडे पुतिन शांततेचे आवाहन करत असले, तरी रशियाची इंधन कमाई वाढली आहे. रशिया सध्या दिवसाला सुमारे ७६० दशलक्ष डॉलर्स तेल आणि गॅस विक्रीतून कमवत आहे. दरम्यान, पुतिन यांनी इराणच्या नेत्यांना 'नवरोज'च्या शुभेच्छा देत रशिया हा इराणचा 'विश्वासू मित्र' असल्याचे पुन्हा एकदा दाखवून दिले आहे.
Web Summary : Putin cautions that the Middle East conflict could trigger a global crisis mirroring the COVID pandemic. He highlighted potential disruptions to logistics, supply chains, and commodity markets, urging Russian companies to avoid reckless spending despite rising oil prices. A prolonged closure of the Strait of Hormuz could paralyze the global economy.
Web Summary : पुतिन ने चेतावनी दी कि मध्य पूर्व संघर्ष कोविड महामारी के समान एक वैश्विक संकट को ट्रिगर कर सकता है। उन्होंने लॉजिस्टिक्स, आपूर्ति श्रृंखलाओं और कमोडिटी बाजारों में संभावित व्यवधानों पर प्रकाश डाला, रूसी कंपनियों से तेल की बढ़ती कीमतों के बावजूद लापरवाह खर्च से बचने का आग्रह किया। होर्मुज जलडमरूमध्य का लम्बा बंद वैश्विक अर्थव्यवस्था को पंगु बना सकता है।