इस्लामाबाद: एक आठवड्यापेक्षा अधिक काळापासून पाकिस्तान - अफगाणिस्तान सीमेवर सुरू असलेल्या संघर्षांमध्ये अनेक जवान, नागरिक व दहशतवादी ठार झाल्यानंतर दोन्ही देशांत तत्काळ शस्त्रसंधीसाठी एकमत झाले आहे. सीमेवर कायमस्वरुपी शांतता निर्माण करण्यासाठी विशेष यंत्रणा उभारण्यावर दोन्ही देशांनी सहमती दर्शवली. कतार व तुर्कस्तानच्या मध्यस्थीमुळे पाक व अफगाणमध्ये दोहा येथे वाटाघाटी झाल्या.
पाकिस्तानचे संरक्षण मंत्री ख्वाजा आसिफ व अफगाणिस्तानचे कार्यकारी संरक्षण मंत्री मुल्ला याकूब यांच्यात झालेल्या चर्चेनंतर शस्त्रसंधी करण्यासाठी एकमत झाल्याचे कतारच्या परराष्ट्र मंत्रालयाने रविवारी स्पष्ट केले. या वाटाघाटीदरम्यान, दोन्ही बाजूंनी तत्काळ शस्त्रसंधीसोबतच कायमस्वरूपी शांतता व स्थिरता मजबूत करण्यासाठी यंत्रणा उभारण्यावर दोन्ही देशांनी सहमती दर्शवली. दोन्ही देशातील शस्त्रसंधीसाठी कतार व तुर्कस्तानने पुढाकार घेतल्याने पाकिस्तानने या देशांचे कौतुक केले आहे.
अफगाण नेतृत्त्वाने तहरीक-ए-तालिबान पाकिस्तान या दहशतवादी गटावर तत्काळ कारवाई करण्याचे आवाहन करत पाकने दोहा येथे शस्त्रसंधीच्या चर्चेला सुरुवात केली.
Web Summary : Pakistan and Afghanistan agreed to an immediate ceasefire after border clashes. Qatar and Turkey mediated talks in Doha, aiming for lasting peace. Pakistan urged action against the Tehrik-e-Taliban Pakistan.
Web Summary : पाकिस्तान और अफ़ग़ानिस्तान सीमा पर संघर्ष के बाद तत्काल शस्त्रसंधि के लिए सहमत हुए। क़तर और तुर्की ने दोहा में वार्ता कराई, जिसका उद्देश्य स्थायी शांति स्थापित करना है। पाकिस्तान ने तहरीक-ए-तालिबान पाकिस्तान के ख़िलाफ़ कार्रवाई का आग्रह किया।