५० लढाऊ विमानांसह खामेनेईंचा लष्करी बंकर केला नष्ट, इस्राइलने समोर आणला व्हिडीओ   

Iran War News: इस्राइलची डिफेन्स फोर्स असलेल्या आयडीएफने इराणचे सर्वोच्च नेचे अयातुल्लाह अली खामेनेई यांच्या बंकरवर केलेल्या हल्ल्याचा एक व्हिडीओ शेअर केला आहे.  

अमेरिका आणि इस्राइल यांनी इराणविरोधात सुरू केलेलं युद्ध आज सातव्या दिवशी अधिकच तीव्र झालं आहे. दोन्हीकडून एकमेकांवर रॉकेट, क्षेपणास्त्रे आणि ड्रोनच्या माध्यमातून हल्ले सुरू आहेत. दरम्यान, इस्राइलची डिफेन्स फोर्स असलेल्या आयडीएफने इराणचे सर्वोच्च नेचे अयातुल्लाह अली खामेनेई यांच्या बंकरवर केलेल्या हल्ल्याचा एक व्हिडीओ शेअर केला आहे.

इस्राइलच्या हवाई दलाच्या सुमारे ५० लढाऊ विमनांनी इराणचे सर्वोच्च नेते अयातुल्लाह अली खामेनेई यांच्या निवास्थानाखाली असलेल्या भूमिगत बंकरला लक्ष्य केले होते, असा दावा या व्हिडीओच्या माध्यमातून आयडीएफने केला आहे.

🎥 WATCH: ~50 Israeli Air Force fighter jets dismantled Ali Khamenei’s underground military bunker beneath the Iranian regime’s leadership compound in Tehran. pic.twitter.com/Nw0tvvQMRX

— Israel Defense Forces (@IDF) March 6, 2026

हा बंकर इराणचे दिवंगत सर्वोच्च नेते अयातुल्लाह खामेनेई यांच्याशी संबंधित होता, असे सांगण्यात येत आहे. मिळालेल्या माहितीनुसार हा हल्ला तेहरानमधील संबंधित परिसराखाली इराणी सरकारच्या वरिष्ठ नेतृत्वाचे लष्करी तळ असल्याची माहिती मिळाल्यानंतर करण्यात आला. इराणच्या सैनिकी शक्तीला कमकुवत करणे हा होता, असे इस्राइलने सांगितले आहे. मात्र या हल्ल्यात झालेली हानी आणि इतर नुकसानीबाबत अधिकृतरीत्या कुठलीही माहिती समोर आलेली नाही.