अमेरिकेतील नॉर्थ कॅरोलिनामध्ये जेट विमानाचा अपघात; संपूर्ण कुटुंबच उद्ध्वस्त

अमेरिकेतील नॉर्थ कॅरोलिना येथे झालेल्या एका मोठ्या विमान अपघातात जेट विमान लँडिंग दरम्यान कोसळले.

अमेरिकेत एक मोठा विमानअपघात झाला आहे. उत्तर कॅरोलिनामध्ये लँडिंग करताना एक व्यावसायिक जेट कोसळले. या अपघातात एकाच कुटुंबातील चार सदस्यांचा मृत्यू झाला, यामध्ये पती, पत्नी आणि मुले यांचा समावेश आहे.

डेमोक्रेट्सच्या खासदारांनी जारी केले एपस्टीनचे ६८ नवीन फोटो; महिलेसोबत दिसले बिल गेट्स

उत्तर कॅरोलिनामध्ये सेस्ना साइटेशन II विमान कोसळले. सेस्ना 550 साइटेशन II N257BW विमान स्टेट्सविले रीजनल एअरपोर्ट (SVH) वर लँडिंग करताना कोसळले. त्यात सहा लोक होते. स्थानिक माध्यमांनी आतापर्यंत पाच जणांच्या मृत्यूची पुष्टी केली आहे.

फ्लाइट ट्रॅकिंग डेटानुसार, विमान टेकऑफनंतर लगेचच विमानतळावर परतले, यामुळे उड्डाणादरम्यान संभाव्य समस्या असल्याचे दिसून आले. विमानतळ अधिकाऱ्यांनी सांगितले की FAA टीम घटनास्थळी आहे आणि अपघाताचे कारण तपासेल.