इराणने अशी कोणती मिसाईल डागली? इस्रायलमध्ये ना अलर्ट आला ना सायरन वाजला; हायफावर कोसळली...

Iran Attack on Israel War: अमेरिकने इराणच्या अणू ठिकाण्यांवर हल्ले चढविल्यानंतर इस्रायलींना हायसे वाटलेले नाहीय, तर ते आणखी दहशतीखाली गेले आहेत.

दुसऱ्या देशांवर हल्ले करणाऱ्या आणि स्वत:ला आयर्न डोमच्या छत्रछायेखाली सुरक्षित ठेवणाऱ्या इस्रायलमध्ये आता लोक दहशतीखाली वावरू लागले आहेत. हमासची शेकडो मिसाईल इस्रायलमध्ये काही करू शकली नव्हती, परंतू दीड हजार किमीवरून काही मिनिटांत येणारी इराणची मिसाईल इस्रायलमध्ये धडकू लागली आहेत. यामुळे इस्रायलला जशास तसा ठोसा लगावणारा भेटला आहे. 

अमेरिकने इराणच्या अणू ठिकाण्यांवर हल्ले चढविल्यानंतर इस्रायलींना हायसे वाटलेले नाहीय, तर ते आणखी दहशतीखाली गेले आहेत. इराण आता चवताळून  आणखी भीषण हल्ले करण्याची भीती त्यांना सतावू लागली आहे. रात्र रात्रभर हे लोक झोपू शकले नाहीएत आणि सकाळी खरोखरच ही भीती देखील खरी ठरली आहे. गिलान चपेआ या इस्रायली नागरिकाने हे सांगितले आहे. 

इराणची मिसाईल त्याच्या घरापासून ३० मीटर अंतरावर आदळली. या स्फोटाचा आवाज एवढा जास्त होता की त्याने आधी कधी ऐकला नव्हता, असे गिलान यांनी म्हटले आहे. पोर्ट सिटी हाइफामध्ये गिलान राहतात. त्यांच्या या शहरावर इराणचा हल्ला झाला आहे. गिलान यांच्या पत्नीनुसार मिसाईल हल्ल्यापूर्वी ना कोणता सायरन वाजला ना अलर्ट आला. यापूर्वी असे कधीच झाले नव्हते. 

इस्रायलमध्ये हामासची मिसाईल पोहोचू न शकल्याने सायरन वाजला तरी लोक रस्त्यावर फिरताना किंवा घरातच पहुडलेले असायचे. परंतू आता सायरन वाजला की लगेचच सेफ हाऊसकडे पळताना दिसत आहेत. या लोकांना मिनीट, दीड मिनिटाचा वेळ असतो. परंतू, या हल्ल्यावेळी तो अलर्टही मिळाला नाही, असे वृत्त दैनिक भास्करने दिले आहे.