'शांतता करारासाठी कोणीही जिवंत राहणार नाही, युरोपला युद्ध हवे असेल तर रशिया तयार'; पुतिन यांचा युरोपला थेट इशारा

"जर युरोप अचानक आपल्याशी युद्ध करू इच्छित असेल आणि युद्ध सुरू करू इच्छित असेल तर आम्ही ताबडतोब तयार आहोत, असंही पुतिन म्हणाले. युरोपीय शक्तींचा शांततेसाठी कोणताही अजेंडा नाही आणि ते युद्धाच्या बाजूने आहेत.

मागील काही महिन्यांपासून रशिया विरुद्ध युरोपीय देश असा संघर्ष सुरू आहे. आता रशियाच्या व्लादीमीर पुतिन यांनी युरोपीय देशांना मोठा इशारा दिला आहे. "जर तुम्हाला युद्ध हवे असेल तर रशिया तुमचा पराभव करेल. युरोपीय शक्तींचा पराभव निश्चित आणि पूर्ण असेल. शांतता करारासाठी वाटाघाटी करण्यासाठी कोणीही उरणार नाही," असा इशारा रशियाचे अध्यक्ष व्लादिमीर पुतिन यांनी युरोपीय नेत्यांना दिला.  हा इशारा भारत भेटीपूर्वी पुतिन यांनी युरोपला दिला.

राष्ट्राध्यक्ष पुतिन ४ डिसेंबर रोजी भारत दौऱ्यावर येणार आहेत. या भेटीपूर्वी, मॉस्को युक्रेन संघर्षाबाबत राजनैतिक प्रयत्नांना वेग देत आहे. अमेरिकेच्या राष्ट्राध्यक्षांचे विशेष दूत स्टीव्ह विटकॉफ आणि ट्रम्प यांचे जावई जेरेड कोरी कुशनर हे संघर्षावर चर्चा करण्यासाठी मॉस्कोमध्ये असताना पुतिन यांनी हे विधान केले.

अखेर बहिणीला भेटीची परवानगी; इम्रान समर्थकांसमोर पाकिस्तान सरकार झुकले

रशिया-युक्रेन शांतता योजनेच्या तपशीलांवर चर्चा करण्यासाठी विटकोव्ह आणि कुशनर मॉस्कोच्या दुसरे सत्र सुरू होणार आहे. या पार्श्वभूमीवर पुतिन यांनी मॉस्कोमधील एका गुंतवणूक मंचात हे विधान केले.

'आम्हाला युद्धाची इच्छा नाही, परंतु जर युरोप अचानक आमच्याशी युद्ध करू इच्छित असेल तर आम्ही ताबडतोब तयार आहोत असा इशारा पुतिन यांनी दिला.

'युरोपने युद्धाच्या बाजूने केलेल्या कोणत्याही हालचालीमुळे अशी परिस्थिती निर्माण होऊ शकते. तिथे वाटाघाटी करण्यासाठी कोणीही राहणार नाही, असंही पुतिन म्हणाले. त्यांचा शांततेचा कोणताही अजेंडा नाही, परंतु ते युद्धाच्या बाजूने आहेत. अध्यक्ष पुतिन यांनी युरोपवर शांतता प्रस्तावांमध्ये बदल केल्याचा आरोप केला. पुतिन म्हणाले की, यामध्ये अशा मागण्यांचा समावेश आहे ज्या रशिया पूर्णपणे स्वीकारत नाही, त्यामुळे संपूर्ण शांतता प्रक्रिया थांबते आणि यासाठी रशियाला दोषी ठरवले जाते. 

...तर आम्हीही युद्धासाठी तयार

रशियाचा युरोपवर हल्ला करण्याचा कोणताही विचार नाही, अशी त्यांची दीर्घकालीन भूमिका पुतिन यांनी पुन्हा एकदा मांडली, ही चिंता काही युरोपीय देश अनेकदा व्यक्त करतात. पुतिन म्हणाले, "पण जर युरोपला अचानक आपल्याशी युद्ध सुरू करायचे असेल आणि ते सुरू करायचे असेल तर आम्ही लगेच तयार आहोत. यात काही शंका नाही."

 मागील आठवड्यात, किर्गिस्तानच्या भेटीदरम्यान, पुतिन म्हणाले होते की जोपर्यंत झेलेन्स्की सत्तेत आहेत तोपर्यंत कोणताही शांतता करार निरुपयोगी आहे. युद्धभूमीवर रशियाच्या अलिकडच्या यशाचे स्वागत करताना, पुतिन म्हणाले की जर युक्रेनियन सैन्याने व्यापलेला प्रदेश सोडला तर आम्ही लढाई थांबवू. परंतु जर त्यांनी तसे केले नाही तर आम्ही ते लष्करी मार्गाने साध्य करू.