Latest Hockey News | Hockey Marathi News | Latest Hockey News in Marathi | हॉकी: ताज्या मराठी बातम्या

- नीलेश देशपांडे नागपूर : ‘भारताच्या पुरुष आणि महिला हाॅकी संघाने टोकियो ऑलिम्पिकची उपांत्यफेरी गाठणे हा हॉकी चाहत्यांसाठी आश्चर्याचा धक्का आहे,’ हॉकी संघाचा माजी कर्णधार दिलीप तिर्की याने भारतीय खेळाडूंच्या कामगिरीबद्दल आनंद व्यक्त केला आहे.सलग तीनवेळा ऑलिम्पिकमध्ये देशाचे प्रतिनिधित्व करीत कारकिर्दीत ४१२ आंतरराष्ट्रीय सामने खेळलेले तिर्की पुढे म्हणाले, ‘हॉकीपटूंना अशा कामगिरीची प्रतीक्षा होतीच. प्रथमच दोन्ही संघांनी ऑलिम्पिकची उपांत्यफेरी गाठणे कौतुकास्पद आहे. हा मोठा क्षण आहे, दोन्ही संघांचा खेळ पाहणे फारच सुखद ठरले. पुरुष संघाने काल ब्रिटनविरुद्ध आणि महिला संघाने आज ऑस्ट्रेलियासारख्या मातब्बर संघाविरुद्ध केलेली कामगिरी शारीरिक आणि मानसिक कणखरतेचे प्रतीक ठरली. दोन्ही संघांनी आता ताजेतवाने होऊन उपांत्य सामन्यातदेखील आपल्या रणनीतीवर कायम राहायला हवे. ‘तुम्ही चांगली कामगिरी करू शकता’, याची शाश्वती मिळाल्यास युवा खेळाडू किती अप्रतीम कामगिरी करू शकतात हे दोन्ही संघांनी उपांत्यफेरी गाठून दाखवून दिले आहे. संघाच्या यशात विदेशी कोचेसचे योगदान मोठे असल्याचे सांगून पद्मश्री तसेच अर्जुन पुरस्काराचे मानकरी माजी राज्यसभा सदस्य तिर्की पुढे म्हणाले, ‘महिला संघासोबत कोच सोजर्ड मारजिने दीर्घकाळापासून आहेत. भारतीय खेळाडूंची मानसिकता बदलण्यात विदेशी कोच उपयुक्त ठरले यात शंका नाही.’

Hockey (Marathi News)

Tokyo Olympic, Hockey : पुरुष हॉकी संघाला उपांत्य फेरीत अपयश आल्यानंतर भारतीय महिला हॉकी संघाकडून अपेक्षा उंचावल्या होत्या. ...

Tokyo Olympic, Hockey :भारतीय हॉकी संघाचे सुवर्णस्वप्न भंगले असले तरी कांस्यपदक जिंकण्याची त्यांना संधी आहे. ...